EMRI/ Sherr mes dy turqve në Sauk, plagoset me armë zjarri njëri prej tyre

foto ilustruese

TIRANË- Detaje të reja janë zbardhur nga plagosja me armë zjarri në Sauk. Bëhet me dije se i plagosur ka mbetur Halil Uçari, i cili gjatë konfliktit me një shtetas tjetër turk është qëlluar  në shpatull. 

Gjendja e tij shëndetësore paraqitet stabël dhe ndodhet jashtë rrezikut për jetën. Ndërkohë, grupi hetimor po punon për kapjen e autorit si dhe sqarimin e plotë të rrethanave të rastit./Dosja.al

foto ilustruese

TIRANË- Policia ka reaguar zyrtarisht në lidhje me plagosjen e raportuar pak më parë në Tiranë. Blutë sqarojnë, se rreth orës 19:25, është paraqitur për mjekim në spital një shtetas turk. Mësohet se 39-vjeçari me iniciale H. U është plagosur me armë zjarri në një lokal në Sauk.

Fatmirësisht, 39-vjeçari ndodhet jashtë rrezikut për jetën. Ndërkohë, grupi hetimor po punon për identifikimin dhe kapjen e autorit si dhe sqarimin e plotë të rrethanave të rastit.

Njoftimi i Policisë:

Tiranë/Informacion paraprak. Më datë 09.03.2026, rreth orës 19:25, është paraqitur për mjekim në spital shtetasi i huaj turk H. U, 39 vjeç, i cili dyshohet se është plagosur me armë zjarri në një lokal në Sauk.

39-vjeçari ndodhet jashtë rrezikut për jetën. Grupi hetimor po punon për identifikimin dhe kapjen e autorit si dhe sqarimin e plotë të rrethanave të rastit./Dosja.al

foto ilustruese

TIRANË- Një plagosje me armë zjarri ka ndodhur mbrëmjen e sotme në Tiranë. Konkretisht ngjarja ka ndodhur në një restorant në zonën e Saukut të Vjetër. Si pasojë e të shtëneve, i plagosur ka mbetur një shtetas turk.

Menjëherë pas njoftimit, në vendngjarje kanë mbërritur shërbimet e Policisë dhe grupi hetimor. Zona është rrethuar nga policia dhe po kryhen veprimet e para procedurale për zbardhjen e plotë të ngjarjes, si dhe për identifikimin e autorit apo autorëve të mundshëm./Dosja.al