Qëllohet me armë drejt një grupi fëmijësh në Shkodër, autori ikën me biçikletë

Lokali

SHKODËR- Agron Mahmuti (Mehmeti) është 49 vjeçari i shpallur në kërkim nga policia e shtetit, pasi dyshohet se është personi i cili qëlloi me armë zjarri drejt një grupi fëmijësh. 

49-vjeçari, pas një konflikti për motive të dobëta në vendin e quajtur lagja “Qemal Stafa”, goditi me qytën e pistoletës një të mitur 13-vjeçar. I mituri ishte edhe shënjestra e autorit, i cili qëlloi me armë në drejtim të tij, por fatmirësisht plumbi nuk e kapi. Motivi lidhet me një sherr në të cilin ishte përfshirë djali i autorit dhe 13-vjeçari. 

Plumbi ka përfunduar në pjesën e pasme të një kondicioneri në një lokal në afërsi. Menjëherë pas ngjarjes është larguar me biçikletë. Policia ka gjetur në vendin e ngjarjes një gëzhojë, ndërsa po punohet për kapjen e autorit.

Ngjarja e rëndë ndodhi ditën e djeshme, në mjediset e jashtme të gjimnazit “28 Nëntori”, në Shkodër.

Pamje nga Shkodra

SHKODËR- Dalin pamje nga vendi i ngjarjes, ku 50-vjeçari qëlloi me armë zjarri një grup fëmijësh. Fatmirësisht askush nuk u lëndua, por siç duket edhe nga pamjet, plumbat kanë përfunduar edhe xhamin e një lokali, duke rrezikuar edhe klientët brenda.

Ngjarja ndodhi në afërsi të shkollës “28 nëntori”, në qendër të qytetit të Shkodrës, ku një 50-vjeçar ende i paidentifikuar qëlloi me armë dhe më pas u zhduk nga vendi i ngjarjes. Policia e kërkon për ta vendosur në pranga. 

Foto ilustruese

SHKODËR- Zbulohen detaje të tjera nga ngjarja e rëndë në Shkodër. 50-vjeçari ka goditur me qytën e pistoletës një nga fëmijët, e më pas ka shtënë disa herë në drejtim të tyre, por fatmirësisht nuk ka asnjë të lënduar.

Megjithatë po punohet po punohet për arrestimin e tij. Ende nuk dihet identiteti i personit që ka qëlluar ndaj tyre, ndërsa puna për kapjen e tij nga autoritetet vazhdon.

Foto ilustruese

SHKODËR- Një ngjarje e rëndë ka ndodhur para pak minutave në qytetin e Shkodrës. Sipas burimeve një person rreth 30 vjeç ka qëlluar me pistoletë në drejtim të një grupi fëmijësh 13- 15 vjeçarë. Ngjarja ka ndodhur në afërsi të shkollës “28 nëntori”, në qendër të qytetit të Shkodrës.

Personi, i cili lëvizte me biçikletë, është afruar pranë vendit të quajtur “Lapidari” ku po rrinin fëmijët dhe në rrethana të paqarta, ka qëlluar me pistoletë në drejtim të tyre.

Foto ilustruese

SHKODËR- Një ngjarje e rëndë ka ndodhur në Shkodër, ku një person ka qëlluar drejt një lokali dhe më pas ka ikur me biçikletë. Në njoftimin zyrtar nga Policia e Shtetit, bëhet me dije se nuk ka asnjë të lënduar, ndërsa po kërkohet autori. 

NJOFTIMI I PLOTË

Rreth orës 18:00 në lagjen “Qemal Stafa”, Shkodër, një person ende i paidentifikuar ka qëlluar me armë zjarri ku është dëmtuar vetrata e një lokali aty afër dhe më pas është larguar. Nga të shtënat nuk ka persona të lënduar. Nga veprimet paraprake hetimore të kryera nga grupi hetimor në vendngjarje është gjetur një gëzhojë. Grupi hetimor po vijon punën për sqarimin e rrethanave të kësaj ngjarjeje, identifikimin dhe kapjen e autorit.