Politike

Basha takim me personat me aftësi të kufizuar: Shumë i vetëdijshëm për vështirësitë e mëdha që kaloni 

14 Nëntor 2020, 11:38 Nga DOSJA
Basha takim me personat me aftësi të kufizuar: Shumë i

TIRANË- Kryetari i partisë Demokratike ditën e sotme ka zhvilluar një takim me përfaqësues të personave mnë aftësi të kufizuara. Basha në fjalën e tij tha se është i  vetëdijshëm me problemet që hasin personat me aftësi të kufizuara duke shtuar se me disa shoqata kanë avancuar edhe në platformën e propozimeve dhe ofertës në mënyrë që të zgjidhen problemet.

Kryetari i PD-së shprehet se aktualisht problemi kryesor për moszgjidhjen e problemeve është pandemia por sipas tij njerëzit me aftësi të kufizuara janë hasur edhe më parë me shqetësime të mëdha. Po ashtu para tyre ai ka prezantuar edhe planin e rimëkëmbjes ekonomike që synon të zbatojë nëse vjen në pushtet.

“Prej kohësh kemi qenë në dialog me njëri-tjetrin. Jam në dijeni të problemeve tuaja, jemi në dijeni të problemeve tuaja. Me disa prej shoqatave kemi avancuar edhe në platformën e propozimeve dhe ofertës për dhënien e zgjidhjes së problemeve në rrugën e mbarë. Jam shumë i vetëdijshëm për vështirësitë e mëdha që keni kaluar që keni kaluar në këto vitet e fundit, sikundër dhe për disa probleme që janë të mbartura edhe më përpara. Madje kemi diskutuar disa herë për këto hapur në një frymë shumë transparente, të sinqertë, të çiltër, reflektuese dhe miqësore. Natyrisht problemi kryesor sot është pandemia dhe nuk mund ta nis këtë takim pa shpreh në radhë të parë kënaqësinë që jeni mirë me shëndet. Dhe së dyti, pa ju kërkuar edhe ju, edhe familjeve tuaja të marrin të gjitha masat e nevojshme që kjo gjendje e vështirë e cila bëhet dyfish më e vështirë për shkak të mungesës të një plani adekuat masash nga ana e qeverisë, të na gjej me një kujdes maksimal dhe me një vëmendje maksimale. Edhe në këto kushte, edhe në praninë tuaj, gjëja e parë dhe kryesore që unë ndjej si detyrën time si lider i opozitës, është të kërkoj zbatimin e propozimeve që i kemi vënë qeverisë përpara që më shumë se 6 javë. Që janë propozime të ardhura nga ekspertët, të bazuara në përvojën më të mirë botërore. Në veçanti rritjen e testimeve, rimbursimin e paketës së ilaçeve, forcimin e kapaciteteve spitalore, që do të thotë edhe hapjen e spitaleve rajonale, mos të përplasen të gjithë në Tiranë. Ndërkohë që po ndodh e gjithë kjo katastrofë shëndetësore dhe ekonomike. Ndërkohë që pasi e ka rrënuar ekonominë, qeveria dhe kryeministri, me indiferencën dhe mos marrjen e masave ndaj pandemisë bëhet bashkëpërgjegjës edhe për jetët e humbura, edhe për rritjen e numrit të infektimeve, kemi dhe një front tjetër i cili nuk është zhdukur, është fronti i të gjithë të tjerëve që kanë nevojë për kujdes dhe vëmendje shëndetësore apo sociale. Tani vijmë tek kategoritë që ju përfaqësoni, situata për ju ka qenë një makth i vërtetë edhe para nisjes së pandemisë. Ka qenë e tillë sepse ka reflektuar në situatën e përgjithshme të shoqërisë e cila është zhytur në depresionin ekonomik dhe në pamundësi financiare. Dhe një shoqëri në gjendje të tillë ka nevojë për ndihmë akute, por shtresat më vulnerabël do të jenë të parat që do të marrin këtë ndihmë. Dhe këtu dua ta përfundoj këtë fjalë nisje duke ju falenderuar dhe njëherë që më keni mirëpritur në selinë tuaj për të dëgjuar drejtpërdrejt nga ju se si ju ka afektuar kjo situatë gjatë vitit të pandemisë, gjatë këtij viti. Çfarë masash duhen marrë urgjent për t’ju ndihmuar në ato aspekte që janë rënduar për shkak të pandemisë dhe sigurisht pastaj të flasim edhe për projektin tonë të pas 25 prillit që është projekti i një marrëdhënie të çiltër dialogu bashkëpunimi në kuadër të zbatimit të praktikave bashkëkohore Europiane sa i përket të gjithëve grupeve të interesit që ju përfaqësoni.”- tha Basha.

(A.k.dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike lulzim basha lulzim basha

Sondazh

Poll

Politike 14 Nëntor 2020, 11:18

TIRANË- Partia Demokratike, ditën e sotme ka ngritur alarmin. Në një deklaratë për ish-Deputetja e Pasrtisë Demokratike Albana Vokshi është është shprehur ...

MË SHUMË