TIRANË- Bashkia Tiranë i është përgjigjur zëdhënëses së Partisë Demokratike pas denoncimit se banorja e njësisë 4., Fatime Joca ende nuk ka marrë ndihmë nga shteti. Në një reagim për mediat, zyra e shtypit në Bashkinë e Tiranës, bën me dije se PD ka sajuar një kronikë qesharake. Sipas Bashkisë Tiranë, gruaja në video nuk është Fatime Joca por Tatjana Lake. Sipas Bashkisë Tiranë, gruaja në video nuk është as pronare e shtëpisë, dhe se as Tatjana Lake as Fatime Joca nuk kanë aplikuar në programin e rindërtimit. Bashkia ka sjellë edhe një video, ku një grua pohon se nuk është Fatimja, por ka dalë në videon e publikuar nga PD. “Po pra, Fatimja nuk është këtu. Në video dal unë, dola se është shtëpia e Fatimes”-thotë gruaja në videon e publikuar nga Bashkia.
“Është po kaq absurde sesi kjo parti vazhdon t’u propozojë qytetarëve të Tiranës vetëm një alternativë, atë të shpifjes, mashtrimit dhe të përdorimit të fatkeqësisë së tërmetit. Dje, për të shtatën herë radhazi, spikerja e PD-së publikoi një mashtrim sa qesharak, po aq edhe të frikshëm për nivelin se ku ka përfunduar Partia Demokratike. Në përpjekje për të përfituar me tërmetet e 21 shtatorit dhe 26 nëntorit, dy nga fatkeqësitë më të mëdha që kanë prekur vendin vitet e fundit, spikerja e PD-së shpërndau dje për mediat, një kronikë qesharake të sajuar e të montuar disa ditë më parë, ku shfaqej me zë dhe figurë një zonjë që pretendonte se quhej Fatime Joca, e cila deklaroi se nuk ishte ndihmuar nga Bashkia e Tiranës pas tërmetit të 21 shtatorit. Në fakt, zonja të cilën Partia Demokratike e Lulzim Bashës e prezantoi në publik si Fatime Joca, në të vërtetë quhet Tatjana Lake. Madje, Tatjana nuk është as pronare e shtëpisë për të cilën spikerja e PD-së pretendon se nuk është futur në procesin e dëmshpërblimit për t’u riparuar dhe s’ka si të aplikojë për një banesë që s’është e saja. Për më tepër, as znj. Fatime dhe as znj. Tatjana nuk kanë aplikuar ndonjëherë pranë zyrave të Njësisë Administrative nr. 4 për t’u bërë pjesë e programit të rindërtimit” , thuhet në reagimin e bashkisë.
Bashikia akuzon kryetarin e PD dhe zëdhënesen Ina Zhupa, se kanë montuar një video të rremë.
“Nuk e kuptojmë se çfarë e ka shtyrë Lulzim Bashën dhe spikeren e PD-së, përveç dëshpërimit, të gënjejnë për herë të shtatë dhe kaq shëmtuar qytetarët e Tiranës. Megjithatë, shprehim keqardhjen për degradimin e PD-së në një parti montatore dhe i sugjerojmë të mos i turpërojë më shumë seç i ka turpëruar qytetarët që përdor në montimet e sajuara në SHQUP. E vërteta është se Qeveria dhe Bashkia e Tiranës nuk kanë lënë pa ndihmuar as edhe një familje që është prekur nga tërmetet e shtatorit dhe nëntorit. E vërteta është se, Qeveria dhe Bashkia, me mbylljen e të gjitha dëmshpërblimeve dhe rindërtimin e të gjitha shtëpive që u prekën nga tërmeti i 21 shtatorit, po vijojnë me të njëjtin ritëm për mbylljen me sukses edhe të procesit për tërmetin e 26 nëntorit. E vërteta është se qytetarët e Tiranës nuk e votojnë më Lulzim Bashën”, thuhet në reagimin e Bashkisë.
Në denoncimin dje në PD, gruaja në pamje e prezantuar si Fatime Joca thotë se pavarësisht kërkesave të shumta që u ka bërë dhe institucioneve përkatëse, nuk ka gjetur zgjidhje akoma. Më tej ajo shprehet se dimri po vjen dhe me shtëpinë e dëmtuar është e pamudur të përballohet i ftohti dhe lagështirat.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
SHKODËR- Presidenti Ilir Meta ka marrë pjesë sot në ceremoninë përkujtimore të 100-vjetorit të Luftës së Koplikut. Në aktivitetin me temë ““100 vjet qe u n...
TIRANË-Kryetari i partisë Demokratike Lulzim Basha në një deklratë për mediat ka folur rreth procesit të votimit të anëtarësisë për kandidatët dhe deputetë...
TIRANE- Pas konferencës për shtyp Edi Rama postoi në Twitter njoftimin që bëri me dije pak minuta më parë. Kryeministri shkruan sërish se nga dita e enjte maska...
TIRANE-Në konferencën e sotme për mediat me kryeministrin Edi Rama, Manastirliu vuri theksin në rritjen e ndërgjegjes qytetare, teksa tha se përgatitemi për rri...
TIRANË- Kryetari i Partisë Demokratike, ditën e sotme në në një deklaratë për mediat pas votimit në njësinë nr. 8 ka folur edhe për përjashtimin e Klevis B...
TIRANE– Në konferencën për mediat në lidhje me situatën e COVID në Shqipëri Rama njoftoi se maska do të jetë e detyrueshme. Ky vendim sipas Ramës do duhet të kt...
TIRANE– Dasmat dhe muzika sërish do të jenë të ndaluara në vend për shkak të masave anti-Covid. Kjo u tha nga kreu i vendit ditën e sotme në konferecën që mbajt...
TIRANE–Kryeministri Edi Rama së bashku me Ministren e Shëndetësisë, Ogerta Manastirliu dolën në një konferencë për shtyp ditën e sotme në ambientet e kryeminist...
TIRANE– Kryeministri Edi Rama në një konferencë për mediat, së bashku me ministren e shëndetësisë Ogerta Manastriliu, u bëri thirrje qytetarëve të respektojnë m...
LIBRAZHD– Kryebashkiaku socialist i Librazhdit Kastriot Gurra është infektuar me Covid-19.Politikani pasi ka marrë rezultatet e tamponit ku ka dalë pozitiv, ka ...