TIRANË– 7 muaj para zgjedhjeve parlamentare të 25 prillit, por fushata ka nisur edhe pse jo zyrtarisht. Maxhoranca po jep forca në mbylljen e projekteve që janë në ndërtim e sipër, ndërsa premton edhe rritje pagash e ulje taksash.
Ditën e sotme, kryeministri Edi Rama në një mbledhje live me zyrat e Punës dhe Sipërmarrësit, përsëriti rritjen me 40% të pagave të mësuesve, mjekëve por nuk la pa përmendur edhe zerimi e tatim-fitimit për biznesin e vogël. Duke përsëritur çdo herë se ndërhyrja tek pagat dhe lehtësitë nuk janë për efekt fushate, Rama ka shkuar edhe më tej duke u shprehur paga minimale do të rritet në 30 mijë lekë të reja. Numri një i qeverisë nuk mund ta linte pa përmendur edhe punësimin, duke folur për një rritje masive falë edhe zyrave të Punës.
“Zerimi i tatimfitimit për biznesin e vogël dhe TVSH, nuk është për efekt fushate, por erdhi me kohën pasi kur erdhëm në pushtet, u përballëm me borxhe. Kur fola për mësuesët, na thanë kur e keni 40%, ne llogarinë e kemi. Mjekët dhe mësuesit i kemi në fokus shumë thjesht,”-tha Rama.
Pasi dëgjuan premtimet e kreut të qeverisë, kundërshtarët e tij politikë nuk mund të rrinin pa reaguar. Me pak fjalë dhe me shumë ironi, Basha tha se Ramën nuk e besonte më askush pasi nuk kishin parë rezultat në 7 vite qeverisje.
‘Sikur të ishin bërë realitet ato që thotë ky, Shqipëria nuk do të ishte në këtë gjendje sot. Por pas 7 vitesh premtimesh të pambajtura, a ka njeri që ja vë më veshin këtij?’- shkruan Basha.
Ndërsa më pas, nga selia blu me një reagim doli dhe Jorida Tabaku, e cila gjithashtu me gjuhë të ashpër theksoi se kryesocialisti kishte 7 vite që bën të njëjtat premtime por nuk jep asnjë rezultat duke e zhytur vendin në krizë. Tabaku përmendi me shifra edhe numrin e shqiptarëve që janë larguar nga vendi dhe të papunët që ende presin.
Në debatin virual, ndërhyri edhe presidenti Ilir Meta. Edhe pse në postin e kreut të shtetit, Meta ka pasur një sy kritik për qeverisjen Rama 2, duke theksuar sërish largimin e shqiptarëve nga vendi, dhe bën thirrje për respektimin e marrëveshjes së 5 qershorit, pasi sipas tij vetëm kështu qytetarët do të ndëshkojnë me votë qeverisjen e keqe.
“Shqipëria nuk e meriton të renditet midis këtyre vendeve! Shqipëria meriton vetëm të ardhme europiane! Mjaft me Drejtimin e Gabuar të autoritarizmit, arrogancës, korrupsionit dhe marrëzisë, që po i varfëron dhe po i lodh kaq shumë shqiptarët, duke i detyruar të largohen nga vendi. Hapi i parë për rikthimin në Drejtimin e Duhur është respektimi pikë për pikë i Marrëveshjes së 5 Qershorit dhe mos devijimi prej saj as një milimetër. Të rikthejmë shpresën duke rikthyer sovranitetin në duart e popullit, me hapjen e listave 100% dhe plotësimin e të gjitha kushteve të BE!”- shkruan Meta.
Debati politik ka nisur, palët janë bërë gati dhe kanë ndezur motorët! Le të fillojë gara…
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
Të dhënat nga Autoriteti i Mbikëqyrjes Financiare (AMF) tregojnë se numri i kontratave të sigurimit për këtë produkt ka rënë me 9% krahasuar me të njëjtën periu...
SHQIPËRI– Nga janari i vitit 2019 deri në gusht të 2020-s kanë aplikuar për azil në një nga shtetet e Bashkimit Europian dhe të tjera rreth 30.5 mijë shqip...
TIRANË– Maxhoranca është tërhequr nga votimi i projektligjit për amnistrin fiskale, e cila do të kalonte në Kuvend këtë të enjte. Projektligji ishte miratu...
TIRANE– Vendimi i marrë së fundmi nga qeveria është zero tatim fitimi për biznesin e vogël dhe zero tvsh deri në 10 mln lekë të reja xhiro. Ky lajm është bërë i...
Komisioni për Ekonominë dhe Financat zhvilloi një seancë dëgjimore me kandidaturat për pozicionin e Kryetarit të Bordit të Autoritetit të Mbikëqyrjes Financiare...
SHQIPËRI-Treguesi i dendësisë së sigurimeve ka shënuar rritje në vitin 2019 në raport me një vit më parë. Të dhënat zyrtare të Autoritetit të Mbikëqyrjes F...
SHQIPËRI-Tatimpaguesit shqiptarë në periudhën e pandemisë kanë reaguar më shumë ndaj thirrjeve pozitive të tatimeve për zbatimin e ligjit për deklarimin e ...
SHQIPËRI- Baret e restorantet ishin të mbyllura për gati tre muaj, nga mesi i marsit deri në mesin e muajt maj, duke i detyruar shqiptarët të heqin dorë ng...
Kohët e fundit në internet kanë qarkulluar video dhe foto, ku shihet një djalë i moshës 12-13 vjeç, duke vjedhur disa objekte në kryeqytet. Pre e vjedhje...
Në bazë të raportit të fundit të agjencisë së mjedisit në BE (EEA), një në tetë vdekje në Evropë ka si shkak ndotjen. Në raport theksohet se faktorë të tillë si...