TIRANE- Vendimi i qeverisë për të rikthyer kazinotë në kryeqytet nuk u botua fillimisht në faqen zyrtare të Kryeministrisë por më vonë në Fletoren Zyrtare. Për këtë vendim ka pasur reagime të shumta si nga ana e Partisë Demokratike, politikanëve e ditën e sotme dhe nga Ministria e Financave dhe Ekonomisë.
Ministria shkruan në njoftimin e tyre se institucioni do te vijoje te hartoje aktet nenligjore per zbatimin e ketyre vendimeve.
Më tej shkruan se vendimet e Këshillit të Ministrave përcaktojnë kriteret dhe procedurat ndersa shton se “Autoriteti i Mbikëqyrjes së Lojërave të Fatit do të ndjekë në vijim procedurat për çdo person juridik apo bashkim personash juridikë, vendës ose i huaj, që kërkon të pajiset me licencë në kategorinë “Kazino”.
Sipas vendimeve të miratuara nga qeveria në 2 shtator për lojërat e fatit, mundësohet rritja e numrit të kazinove në zona të caktuara.
Zonat ku mund të lejohet ky aktivitet janë “Rruga e Barrikadave”, rruga “Urani Pano”, rruga “Dedë Gjon Luli”, rruga “Ibrahim Rrugova”, Bulevardi “Zhan D’Ark” dhe rruga: “Xhorxh W. Bush”.
Njoftimi i Ministrisë së Financave dhe Ekonomisë:
Ministria e Financave dhe Ekonomisë ka në fushën e saj të përgjegjësisë shtetërore politikë bërjen, mbikëqyrjen dhe kontrollin e veprimtarisë në fushën e lojërave të fatit, me anën e Autoritetit të Mbikëqyrjes së Lojërave të Fatit.
Ligji nr. 155/2015, “Për lojërat e fatit në Republikën e Shqipërisë”, i ndryshuar, ngarkon Ministrinë e Financave dhe të Ekonomisë, për nxjerrjen e akteve nënligjore, dhe konkretisht në nenin 36, pika 1, ku kërkohet nxjerrja e procedurës për pajisjen me licencë dhe në pikën 2 të nenit 34, kërkohet përcaktimi i zonave, ku do të ushtrohet aktiviteti.
Këshilli i Ministrave dhe Ministria e Financave dhe Ekonomisë ka ndërmarrë iniciativën për miratimin e:
VKM nr.689, date 2.09.2020 datë “Për përcaktimin e zonës ku do të lejohet vendosja e lojës së fatit e kategorisë “Kazino” në qytetin e Tiranës” dhe,
VKM nr.690, datë 02.09.2020 “Për përcaktimin e procedurave të zhvillimit të garës kriteret shtesë për aplikantët që konkurrojnë për t’u pajisur me licencë për kategorinë “Kazino”,e procedura e shpalljes së fituesit, si dhe rastet e revokimit apo të pezullimit të kësaj licence”.
Vendimet e Këshillit të Ministrave përcaktojnë:
Zonat ku lejohet vendosja për zhvillimin e lojës së fatit, të kategorisë “Kazino”, në qytetin e Tiranës me detajet përkatëse të kufizimit, sipas hartës që i bashkëlidhet vendimit;
Procedurat e zhvillimit të garës;
Kriteret shtesë për aplikantët që konkurrojnë për t’u pajisur me licencë për kategorinë “Kazino”;
Procedura e shpalljes së fituesit;
Rastet e revokimit apo të pezullimit të kësaj licence;
Dhënien e licencës për “Kazino” me garë, për t’u shpallur nga Autoritetit i Mbikëqyrjes së Lojërave të Fatit, i autorizuar për pajisjen e subjekteve me licence për kategorinë “Kazino”.
Procedurat për zhvillimin e garës, kushtet, kriteret teknike dhe dokumentacioni që duhet të plotësojnë aplikantët, si dhe procedurat e licencimit.
Autoriteti i Mbikëqyrjes së Lojërave të Fatit do të ndjekë në vijim procedurat për çdo person juridik apo bashkim personash juridikë, vendës ose i huaj, që kërkon të pajiset me licencë në kategorinë “Kazino”.
Aplikantët ndër të tjera, do të duhet të jenë shoqëri aksionare, me seli në territorin e Republikës së Shqipërisë, në objektin e veprimtarisë, me kapitalin, kapacitetet dhe përvojë për ushtrimin e aktivitetit dhe marrjen e masave për të siguruar qendrueshmërinë operacionale për ushtrimin e aktivitetit.
Këtë të mërkurë është botuar në Fletoren Zyrtare vendimi i fundit i Këshillit të Ministrave, në lidhje me lojërat e fatit. Në vendim lejohet vendosja për zhvillimin e lojërave të fatit, të kategorisë kazino. Në dy pjesë të ndara, qeveria ka publikuar edhe hartën se ku lejohet zhvillimi i aktivitetit kazino. Pavarësisht se qeveria Rama u zotua për nxjerrjen jashtë zonave urbane të kazinove, vetëm në resortet me 5 yje, tashmë vetë socialistët po e zhbëjnë ligjin e miratuar në vitin 2018. Në këto dy vendime ka një sërë specifikash për ushtrimin e aktivitetit, ku theksohet eksperienca në këtë fushë, një kapital më shumë se 1 200 000 000 (një miliard e dyqind milionë) lekë.
(A.B)/Dosja.al
1 vit nga zgjedhjet e 25 prillit si e shikoni gjendjen e vendit:
VLORE– Një tjetër zjarr ka përfshirë një fshat të Shqipërisë pasditen e sotme. Fshati Gorrisht në Vlorë është duke u përballur me flakët e zjarrit.Mësohet se as...
ITALI– Mëngjesin e kësaj të premteje në provincat e Arezzo e Parma të Italisë dhe në Shqipëri është zhvilluar një operacion ku janë ndaluar 13 persona që akuzo...
LUSHNJE– Zjarri ka përfshirë zonën e Karabunarës ditën e sotme ku si pasojë po digjen 20 hektarë ullishte dhe vreshta.Era e fortë po ndihmon në përhapjen e flak...
TIRANE– Gjykatësja Mimoza Margjeka është lënë në arrest shtëpie për korrupsion pasi mori 6 mijë euro për lirimin e të dënuarit Orion Bali.Avokati i saj ka folur...
TIRANE– Policia ka arrestuar një person dhe ka vënë në pranga dy të tjerë si pasojë e operacionit të koduar “Perimetri”.Personat e shpallur në kërkim nuk ...
TIRANË– Babai i djalit 10-vjeçar që u shtyp tragjikisht nga një autoambulancë në Kakavijë, Nik Ndoi deklaroi për emisionin “Me zemër të hapur” në ‘N...
SHKODËR- Prej rreth 15 vitesh sorollaten në dyert e Agjensisë së Kadastrës. Janë qindra familje në lagjen “Mehalla e re” në Shkodër të cilët presin për leg...
TIRANË– Gjuetari që gjeti eshtrat tek Mali me Gropa, dy vite pas masakrimit të Eglantina Bucit ka marrë me njëherë në telefon policinë. Në dosjen e zbardhu...
TIRANË– Gazetari Elton Qyno ka publikuar dosjen e plotë të vrasjes së Eglantina Bucit, vajzës e cila u masakruar në vitin 2012. Aty shkruhet e gjithë dëshm...