Aktualitet

‘Ta liroj djalin nëse më jep…”/ Arrestohet punonjësi i Policisë së Kavajës, i kërkoi 4 mijë euro një personi që

8 Korrik 2020, 06:59 Nga DOSJA
‘Ta liroj djalin nëse më jep…”/ Arrestohet

KAVAJË– Arrestohet punonjësi i Policisë së Kavajës, Ilir Dizdari. Mësohet se Dizdari është arrestuar në flagrancë gjatë operacionit “Golemi”, pasi po përpiqej që të përfitonte 4 mijë euro.

Efektivi i Policisë, me detyrë specialist i Hetimit të Krimeve në Komisariatin e Policisë Kavajë, i kërkonte një qytetari 4 mijë euro në mënyrë që të mos i prangoste djalin, i cili kishte kundërshtuar forcat e Policisë gjatë karantinës.

I riu kishte kundërshtuar Patrullën e Policisë, duke thyer Aktin Normativ gjatë pandemisë, ndërsa Dizdari kërkonte që të përfitonte nga shkelja e tij. Efektivi pritet që të përballet me Gjykatën pasi hetohet për “korrupsioni pasiv”.

NJOFTIMI I PLOTË:

SPAK dhe SHÇBA, arrestojnë në kushtet e flagrancës 1 punonjës policie me detyrë specialist i Hetimit të Krimeve në Komisariatin e Policisë Kavajë, për korrupsion.

Prokuroria e Posaçme Kundër Korrupsionit dhe Krimit të Organizuar (SPAK), në bashkëpunim me Drejtorinë Rajonale të SHÇBA Durrës, finalizuan me sukses operacionin e koduar  “Golemi”, në funksion të procedimit penal për veprën penale të “Korrupsionit pasiv“.

Pas një hetimi duke aplikuar metoda speciale të hetimit, drejtuar nga Prokuroria e Posaçme Antikorrupsion, u dokumentua me prova ligjore veprimtaria e kundraligjshme e punonjësit të Policisë, -I.D.

Ai dyshohet se duke keqpërdorur atributet që i jep detyra dhe funksioni, ka konsumuar veprën penale të “Korrupsionit pasiv”. Subjekti i këtij procedimi penal, kryente funksionin e specialistit për Hetimin e Krimit në Komisariatin e Policisë Kavajë.

Gjatë ushtrimit të detyrës, ai i ka kërkuar një shtetasi një shumë prej 4,000 eurosh me qëllim favorizimin për mos arrestim në flagrancë të djalit të tij. I riu kishte kundërshtuar Patrullën e Policisë, duke thyer Aktin Normativ gjatë pandemisë.

Me qëllim ndryshimin e cilësimit juridik të veprës penale nga “Kundërshtim i punonjësit të Policisë” në “Mosbindje ndaj punonjësit të Policisë”, oficeri i Policisë kërkonte shumën e sipërmendur prej një periudhe disa mujore në formë kërcënimi, si duke ushtruar presion në  ambientin e biznesit të shtetasit.

Mbi bazën e regjistrimit të procedimit penal, në momentin e shkëmbimit të vlerave monetare të kërkuara nga specialisti i Hetimit të Krimeve, në kushtet e flagrancës, oficerët e Policisë Gjyqësore të SHÇBA-së arrestuan N/Komisarin I.D., si dhe sekuestruan si prova materiale vlerën monetare prej 4 mijë eurosh dhe celularin e tij.

Hetimet vijojnë nën drejtimin e Prokurorisë së Posaçme Kundër Korrupsionit e Krimit të Organizuar.

(k.m./dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet arrestohet ilir dizdari ilir dizdari kavaje arrestohet ilir dizdari ilir dizdari kavaje

Sondazh

Poll

Aktualitet 8 Korrik 2020, 06:21

Pogradec- Policia e Shtetit ka arrestuar 3 lezhjanë në Pogradec,  pasi janë kapur duke transportuar me 3 makina 6 klandestinë. Uniformat blu bëjnë me dije se ja...

MË SHUMË