TIRANË- Për herë të parë që prej përhapjes së pandemisë COVID-19, është mbledhur fizikisht në Pallatin e Kongreseve Këshilli Politik, i përcaktuar që prej janarit për të hartuar Reformën Zgjedhore. Palët u mblodhën në një klimë të vështirë, pas deklaratës së kryeministrit Edi Rama, i cili deklaroi dje se nuk ka për të patur qeveri tranzitore. Në orën 10:30, Petrit Vasili, Oerd Bylykbashi, Rudina Hajdari dhe Damian Gjiknuri, u panë të hynin në Pallatin e Kongreseve, ndërsa në media, u publikuan email-et që paralajmëruan debatin që do të vijonte. Petrit Vasili e Oerd Bylykbashi kishin kërkuar shtyrje të mbledhjes së parashikuar, pasi sipas tyre, ky këshill nuk mund të ishte një “paradhomë” e Ramës, referuar deklaratës së shefit të qeverisë. (Lexo këtu). Këto emaile, u bënë shkaku që mbledhja të ndërpritej, pas një debati mes mes Damian Gjiknurit dhe Petrit Vasilit. Burime për Dosja.al bëjnë me dije se shkak për debatin është bërë publikimi i email-eve mes Vasilit dhe Gjiknurit, dhe deklarata e Ramës.
Por me rinisjen e mbledhjes, palët janë ulur, dhe në përfundim, qëndrimet ishin totalisht të relaksuara. Petrit Vasili nuk pranoi të komentonte për gazetarët atë që kishte ndodhur pas dyerve të Këshillit, ndërsa Oerd Bylykbashi e Damian Gjiknuri, hapën “letrat” e negociatave para gazetarëve.
I dyti, tha se palët kanë kthyer kompromisin për shumë çështje në këtë Këshill, ndërsa ndahen tek Administrata Zgjedhore, që sipas tij do të diskutohet në mbledhjen e radhës, e përcaktuar për të hënën në ora 10:00.
“Deklaratat politike, jo sebep për të braktisur tavolinën”,-tha Gjiknuri, megjithëse pranoi se në këtë Këshill, të gjitha palët përfaqësojnë interesat e skuadrave përkatëse. Nuk ka ndryshim të sistemit zgjedhor, këtë u përpoq ta saktësonte, bashkë-kryetari i Komisionit për Reformën Zgjedhore, megjithëse deklaroi se PS ka gati propozimet e saj, nëse miratimi me konsensus sjell si kusht edhe ndryshimin e sistemit.
Pas tij, fjalën e mori Rudina Hajdari. Si kurrë më parë, Hajdari shpërtheu në akuza për të dyja palët dhe tha se nuk do të dorëzohej nga kërkesa për ndryshim të Kodit Zgjedhor. Hajdari tha se palët kanë bërë marrëveshje që përjashton ndryshimin e sistemit zgjedhor, dhe solli edhe shembull konkret për t’a ilustruar këtë. “E dini cila ishte qershia mbi tortë? Momenti kur Gjiknuri foli në emër të Petrit Vasilit, për ndryshimin e sistemit zgjedhor”,-tha ajo.
E si për çudi, pas largimit të Hajdarit me inat dhe betimin se nuk do të tërhiqej nga kjo kërkesë, Bylykbashi deklaroi në emër të PD-së, se ndryshimet e sistemit zgjedhor, gjithmonë faturuar ekspertëve, kërkojnë kohë. Ai sqaroi se maxhoranca është tërhequr nga deklarata e Ramës për qeveri tranzitore, teksa e quajti atë “mëkatarin e madh” që nuk mund të japë opinione për Reformën Zgjedhore.
(J.V;F.G/Dosja.al)
1 vit nga zgjedhjet e 25 prillit si e shikoni gjendjen e vendit:
Kreu i Partisë Demokratike, Lulzim Basha ka dalë sërish sot në terren, ku ka takuar qytetarë të ndryshëm, me të cilët ka folur për krizën ekonomike në vend, të ...
TIRANË– Deklaratat e kryeministrit Edi Rama për reformën zgjedhore për kufizimin vetëm tek rekomandimet e OSBE/ODIHR-it me sa duket do të sjellin shtyrje t...
Tiranë- Kreu i Partisë Demokratike, Lulzim Basha në një postim në Twitter ka deklaruar se ekonomia e Shqipërisë, po tkurret me 9%, sepse sipas tij në këtë periu...
TIRANË- Kryeministri Edi Rama e ka nisur ditën e sotme me pamje nga Shiroka.Krahas videos të postuar në profilin e tij në Facebook, Rama shkruan, se Shirok...
Tiranë- Zv/kryeministri Erion Braçe ka publikuar një video nga tregu i madh agro-ushqimor në Tiranë, për të cilin shprehet është një treg tërësisht i pal...
TIRANË- Deklarata e Ramës për lejimin e kultivimit të kanabisit për përdorim mjekësor ka zënë vend në mediat ndërkombëtare. Agjencia e lajmeve “Reute...
TIRANË– Ministri i Brendshëm, Sandër Lleshaj ka treguar se përse është vendosur rregulli i qëndrimit diagonal në makinë edhe me të afërmit.I ftuar në emisi...
TIRANË– Ministri i Brendshëm, Sandër Lleshaj mesa duket beson në bestytëni. I ftuar në emisionin “Opinion”, Lleshaj po fliste lidhur me mënyrën sesi pandem...
TIRANË– Ministri i Brendshëm Sandër Lleshaj, i ftuar në emisionin “Opinion” foli edhe për dhunën e ushtruar në protestat e organziuara ng...
TIRANË- Lëvizja Vetëvendosje në Shqipëri kërkon që institucionet shqiptare të hedhin dritë për rastin “Behgjet Pacolli”. Në një reagim në mediat sociale, L...