Aktualitet

“U shërova por kam infektuar vajzën”, mjeku shqiptar tregon historinë me Covid-19: Ndjeva lodhje, tharje fyti dhe më dhi

6 Prill 2020, 19:22 Nga DOSJA
“U shërova por kam infektuar vajzën”, mjeku shqiptar

TIRANË– Mjeku Jetish Jetishi, nga Gjakova e ka fituar betejën me Covid-19 pasi rezultoi pozitiv ditë më parë. Por kjo gjë nuk ka ndodhur me vajzën e tij. Përmes një lidhje skype për emisionin “Vizioni i Pasdites” në Vizion Plus, Jetishi rrëfeu se vetë është shëruar nga Covid-19, por ka infektuar vajzën e tij.

“Nga mua është infektuar vetëm vajza ime, e cila është asimptomatike. Është mirë, është distancuar nga familja në dhomë të veçantë. Unë nuk kam infektuar asnjë nga koleget dhe kjo më ka lehtësuar. Vajza ka patur simptoma të lehta, ka bërë testin dhe ka dalë pozitive, ndërsa gruaja dhe djali, jo. Vajza është 20 vjeçe dhe studente e mjekësisë. E kuptova që isha infektuar kur ndjeva lodhje jo të zakonshme dhe më dhimbnin muskujt, tharje fyti dhe humbje e pjesshme të shijimit. Këto ishin shenjat dhe u distancova nga pjesa tjetër,”- tha Jetishi.

Për mënyrën se nga ku mund ta ketë marrë virusin, mjeku Jetishi u shpreh se ky është një armik i padukshëm dhe se ende nuk e di ku apo si mund të jetë infektuar.

Shqipëria prej më shumë se tre javësh është futur në një izolim total, për shkak të situatës së krijuar nga koronavirusi. Ndërkohë numri i të infektuarve ka shkuar në  377 persona dhe deri më tani janë shënuar 22 viktima.

Ministria e Shëndetësisë njoftoi sot se gjatë 24 orëve të fundit janë konfirmuar 16 raste të reja me COVID-19. Harta e rasteve të reja është zgjeruar sot në Tiranë, Shkodër dhe në Has. Deri më tani në Shkodër janë shënuar 6 raste të reja, mes tyre dhe një infermier që mund të ketë infektuar dhjetra persona të tjerë.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet jetish jetishi koronavirusi ne shqiperi plani i masave per covid-19 viktimat e koronavirusit ne shqiperi jetish jetishi koronavirusi ne shqiperi plani i masave per covid-19 viktimat e koronavirusit ne shqiperi

Sondazh

Poll

Aktualitet 6 Prill 2020, 19:11

TIRANË– Epidemiologia Adela Vasili është shprehur se nuk i përgjigjet pyetjes se kur do të mbarojë epidemia e koronavirusit. në një lidhje me Skype për emi...

MË SHUMË