Sport

Skënderbeu dhe Laçi rikthehen në Superiore - dy javë më herët, Pogradeci dështon...

Skënderbeu dhe Laçi kanë siguruar zyrtarisht rikthimin në Superiore, dy javë përpara përfundimit të kampionatit në Kategorinë e Parë.

20 Prill 2026, 10:00 Nga DOSJA

Skënderbeu dhe Laçi rikthehen në Superiore - dy javë

TIRANE - Në javën e 31-të të Kampionatit të Kategorisë së Parë, Skëndebeu mposhti Kastriotin me rezultatin e pastër 4-0, duke blinduar vendin e parë me 76 pikë.

Ndërkohë, Laçi triumfoi në “finalen” direkte ndaj Pogradecit me rezultatin 2-0, falë supergolit të Bibos në minutën e 2-të dhe golit Harlis në minutën e 62-të.

Pogradeci humbi mundësinë për të barazuar në fundin e pjesës së parë, pasi Zguro gaboi nga pika e bardhë. Takimi u mbyll me tensione të larta dhe tre kartonë të kuq. Te Pogradeci u ndëshkuan Abazaj dhe Dragoshaj, ndërsa te Laçi u përjashtua Myrta.

Me këtë fitore, kurbinasit sigurojnë një nga dy vendet e para që të ngjit sezonin e ardhshëm në Abissnet Superioren, ndërsa Pogradeci do të kërkojë ngjitjen përmes fazës “play-off”.

Në ndeshjet e tjera, Luftëtari triumfoi 2-0 ndaj Burrelit, për t’iu larguar fundit. Besa mposhti 2-1 Apoloninë, ndërsa Iliria shkatërroi Lushnjën 3-0. Kukësi dhe Korabi barazuan 1-1 mes tyre.

B.T (Dosja.al)

Sondazh

Poll

MË SHUMË