Sport

Bove për dramën: “Ndihesha si një superhero, por kurrë nuk kam pasur frikë nga vdekja”…

Mesfushori i Watford, ish-lojtar i Fiorentinës dhe Romës, kthehet për të folur rreth arrestit kardiak që pësoi në fushë gjatë ndeshjes kundër Interit.

7 Prill 2026, 08:30 Nga DOSJA

Bove për dramën: “Ndihesha si një superhero, por kurrë

ANGLI - I intervistuar nga Daily Mail, mesfushori i Watfordit, italiani Edoardo Bove, kthehet për të folur rreth dramës dhe sëmundjes që pësoi vitin e kaluar gjatë ndeshjes Fiorentina-Inter.

Sëmundja - “Para se të ndodhte, ndihesha si një superhero. Por tani kam filluar një jetë të re. Nuk pendohem për asgjë, sepse më bëri më të fortë. Nuk kisha kurrë frikë nga vdekja. Gjëja e fundit që mbaj mend është kur më ra të fikët.

U zgjova në spital pa e ditur se çfarë kishte ndodhur. Mendova se kisha pësuar një aksident me makinë. Mjekët më thanë se nuk do të luaja më kurrë futboll. Herë pas here mendoja: 'Çfarë do të bëj tani?' Ato ishin ditë vërtet të vështira, ku gjithçka dukej se po shkonte keq .”

Defibrilatori - "Gjatë muajit të parë, ishte e vështirë të flija në krah. Trupi juaj ndryshon. Kur e shihni veten ndryshe në pasqyrë, mund të jetë e dhimbshme, por për mua nuk ishte. Nuk jam zhgënjyer kurrë."

Telefonata e Mourinhos - "Ai më dërgoi mesazh i pari, por unë nuk munda t'i përgjigjesha askujt, kështu që mori numrin e prindërve të mi. Kam një marrëdhënie të jashtëzakonshme me të. Mourinho është një person shumë i rëndësishëm për mua dhe familjen time."

B.T (Dosja.al)

Sondazh

Poll

MË SHUMË