Sport

Superiorja/ Java e 30-të starton me Flamurtari - Tirana, vendimtare për mbijetesë…

Pas ndërprerjes për shkak të ndeshjeve të kombëtareve, kampionati Abissnet Superiore rikthehet këtë fundjavë.

2 Prill 2026, 08:00 Nga DOSJA

Superiorja/ Java e 30-të starton me Flamurtari - Tirana, vendimtare

TIRANE - Java e 30-të e Kategorisë Superiore do të luhet në tri ditë. Ajo do të ngrejë siparin të premten në mbrëmje, me një duel shumë delikat për mbijetesën.

Flamurtari pret në shtëpi Tiranën, në një sfidë që nis në orën 19:00, ku pikët peshojnë shumë për objektivat e sezonit.

Të shtunën, vëmendja do të zhvendoset në tri ndeshje mjaft interesante në dy fasha orare. Në orën 17:00, Egnatia do të përballet me Bylisin, ndërsa në të njëjtën orë luhet edhe një nga sfidat më të forta të javës, ku Partizani sfidon Vllazninë.

Kjo e dyta, një përballje direkte mes pretendentëve, me të kuqtë që synojnë të afrohen në renditje dhe shkodranët që duan të ruajnë kreun.

Mbrëmja e së shtunës do të kulmojë në orën 20:00, me përplasjen mes Dinamo Cityt dhe AF Elbasanit, një duel në “Air Albania” ku të dy skuadrat do të hyjnë në fushë vetëm për fitore.

Ndërkohë, java do të mbyllet të dielën me takimin FK Vora - Teuta në orën 15:00, një tjetër sfidë që pritet të ndikojë në renditjen përfundimtare.

Java e 30-të me pesë ndeshjet e saj premton spektakë, ndërsa kampionati me gjashtë javët e mbtura hyn në fazën më vendimtare të sezonit.

Superiorja/ Java e 30-të starton me Flamurtari - Tirana, vendimtare

B.T (Dosja.al)

Sondazh

Poll

MË SHUMË