Aktualitet

Lëviznin me “Benz-in që kishin vjedhur në Tiranë, arrestohen dy të rinjtë në Krujë, një tjetër shpallet në kërkim

22 Shkurt 2020, 07:49 Nga DOSJA
Lëviznin me “Benz-in që kishin vjedhur në Tiranë,

Krujë- Policia e Krujës ka arrestuar dy persona A. G., 28 vjeç dhe K..Z 24 vjeç pasi nuk i janë bindur urdhërit të policisë për të ndaluar si dhe akuzohen për vjedhjen e disa mjeteve.  Po kështu, në kërkim është shpallur Sh. Xh., i cili mundi të largohej gjatë ndjekjes nga Policia. Sipas Policisë të rinjtë ishin duke udhëtuar me mjetin tip Benz, që ishte vjedhur në Tiranë.

Njoftimi i Policisë:

Nuk iu bindën urdhrit të Policisë për ndalim, pasi lëviznin me mjet të vjedhur, por dy prej tyre u vunë në pranga ndërsa njëri u shpall në kërkim. Zbardhen dhe dokumentohen dhe disa raste të tjera vjedhjesh të automjeteve. Sekuestrohen 2 mjete tip “Benz” dhe targa të vjedhura. Specialistët për Hetimin e Krimeve në Komisariatin e Policisë Krujë, kanë bërë arrestimin në flagrancë të shtetasve:

A. G., 28 vjeç, banues në Tiranë, për veprat penale “Mosbindja ndaj urdhrit të punonjësit të policisë ” dhe “Vjedhja e kryer në bashkëpunim”. K.Z., 24 vjeç, banues në Mamurras, Kurbin, për veprat penale “Vjedhja e kryer në bashkëpunim”, “Përkrahja e autorit të krimit” dhe “Mosbindje ndaj urdhrit të punonjësit të policisë”. Si dhe u shpall në kërkim dhe po punohet për kapjen e shtetasit Sh. Xh., i cili mundi të largohej gjatë ndjekjes nga Policia.

Këta shtetas, më datë 20.02.2020, duke udhëtuar me një mjet tip “Benz”, i dyshuar si i vjedhur në Tiranë më datë 25.06.2019, me targa të tjera të vjedhura në Shkodër, nuk iu bindën urdhrit të Policisë për ndalim. Pas ndjekjes nga Policia këta shtetas kanë braktisur mjetin dhe njëri prej tyre ka mundur të largohet. Nga veprimet hetimore dyshohet se këta shtetas, në bashkëpunim me njëri tjetrin, janë autorë të këtyre ngjarjeve: Më datë 05.06.2019, në Fushë Krujë, dyshohen se kanë vjedhur mjetin tip “BMW”, në pronësi të shtetasit E. Ll. Më datë 19.11.2019, në fshatin Derven, Krujë, kanë vjedhur mjetin tip “Benz” në pronësi të shtetasit Sh. D. Materialet i kaluan Prokurorisë së Rrethit Gjyqësor Durrës, për veprat penale “Mosbindja ndaj urdhrit të punonjësit të policisë ” dhe “Vjedhja e kryer në bashkëpunim” dhe “Përkrahja e autorit të krimit”.

J.V/Dosja.al 

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet arrestohet të rinjtë në krujë vjedhje makinash në krujë arrestohet të rinjtë në krujë vjedhje makinash në krujë

Sondazh

Poll

MË SHUMË