Aktualitet

Plagosi me thikë 48-vjeçarin pas një konflikti, kapet dhe identifikohet autori

Sipas njoftimit të policisë, menjëherë pas marrjes së njoftimit për ngjarjen, shërbimet e Komisariatit të Berat kanë shkuar në vendngjarje dhe kanë nisur veprimet hetimore.

18 Mars 2026, 08:24 Nga D.S

Plagosi me thikë 48-vjeçarin pas një konflikti, kapet dhe

BERAT-  Një plagosje me thikë ka ndodhur në lagjen “Barrikadë” në Berat, ku një 48-vjeçar mbeti i lënduar pas një konflikti për motive të dobëta. Sipas njoftimit të policisë, menjëherë pas marrjes së njoftimit për ngjarjen, shërbimet e Komisariatit të Berat kanë shkuar në vendngjarje dhe kanë nisur veprimet hetimore.

Nga reagimi i shpejtë i uniformave blu, u bë i mundur identifikimi dhe arrestimi i autorit të dyshuar, A. T., 39 vjeç, banues në Berat. Ndërkohë, i dëmtuari ndodhet jashtë rrezikut për jetën, ndërsa policia vijon hetimet për zbardhjen e plotë të rrethanave të ngjarjes.

Njoftimi i policisë:

"Plagosi me thikë një shtetas gjatë një konflikti për motive të dobëta, falë reagimit të shpejtë të Policisë, u kap dhe u vu në pranga autori i dyshuar. Menjëherë pas marrjes së njoftimit se në lagjen “Barrikadë” një shtetas ishte plagosur me mjet prerës (thikë), shërbimet e Komisariatit të Policisë Berat organizuan punën dhe shkuan në vendngjarje.
Si rezultat i veprimeve të shpejta hetimore dhe operacionale, u bë i mundur identifikimi dhe kapja e autorit të dyshuar të plagosjes, shtetasit A. T., 39 vjeç, banues në Berat. Nga hetimet dyshohet se ky shtetas, mbrëmjen e djeshme, në lagjen “Barrikadë”, gjatë një konflikti për motive të dobëta, ka plagosur me mjet prerës (thikë) shtetasin D. N., 48 vjeç, i cili ndodhet jashtë rrezikut për jetën. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.",njoftoi policia./Dosja.al

plagosje ne berat berat plagosi me thikë 48-vjeçarin pas një konflikti kapet dhe identifikohet autori

Sondazh

Poll

MË SHUMË