Aktualitet

Banorët e Rrjollit 6 javë protestë kundër resortit luksoz/ Përplasen me policinë: Kriminela, s’keni turp! Policia i tërheq zvarrë (VIDEO)

Gjatë protestës, ka pasur edhe përplasje me policinë, pasi qytetarët marshuan drejt kantierit në bregdetin e Velipojës ku po kryhen punimet për projektin turistik, ndërsa forcat e policisë formuan menjëherë perimetrin e sigurisë. 

14 Mars 2026, 13:08 Nga E. D
Banorët e Rrjollit 6 javë protestë kundër resortit luksoz/
pamje nga vendngjarja

VELIPOJË- Banorët e Rrjollit kanë dalë sërisht ditën e sotme në protestë, duke kundërshtuar punimet për ndërtimin e resorti luksozit nga botuesi Bashkim Ulaj. Kjo është java e gjashtë, që banorët protestojnë, dhe këtë të shtunë, protestës u janë bashkuar edhe qytetarë dhe aktivistë të ardhur nga zona të tjera të vendit.

Gjatë protestës, ka pasur edhe përplasje me policinë, pasi qytetarët marshuan drejt kantierit në bregdetin e Velipojës ku po kryhen punimet për projektin turistik, ndërsa forcat e policisë formuan menjëherë perimetrin e sigurisë. 


Pas përplasjeve me policinë, disa nga banorët janë shoqëruar në komisariat. Gjithashtu banorët pretendojnë se gjatë ndërhyrjes së policisë janë ushtruar akte dhune. Banorët theksojnë se kundërshtimi i tyre nuk lidhet vetëm me ndërtimin e resortit, por edhe me mënyrën se si është trajtuar çështja e pronësisë së tokës.

“O kriminela, policia e krimit. Hajduta. A keni turp apo nuk keni,” dëgjohen duke thënë disa nga protestuesit ndërsa përplasen me policinë.

Pavarësisht situatës së krijuar, banorët shprehen të vendosur të vijojnë protestat çdo ditë deri në ndërprerjen e punimeve për resortin që, sipas tyre, cenon pronat dhe mjedisin e zonës.

“Uniformat blu janë treguar të padrejta, kanë kapur djemtë dhe i kanë futur në furgon dhe i kanë dhunuar. Nuk ka asnjë të drejtë që t’i dhunojë. I kanë hedhur si derrkucë. Ne do të vazhdojmë protestën deri në fund. Kjo tokë duhet t’u kthehet rrjellorëve. As një nga personat që mendon se mund ta marrin këtë tokë, të mos flejë i qetë se nuk ka për ta gëzuar.

Shpresojmë që SPAK të marrë çështjen në dorë, Prkuroria e Shkodrës të mos flejë gjumë mbi dosjen tonë, por të japë drejtësi. Falsifikimet i ka në zyrë, ne jemi duke mbrotjru pronën tonë, jemi duke u keqtrajtuar në pronën tyre. Policia dhe shteti duhet t’u dalë për zot qytetarëve. Prokuroria e Shkodrës të hetojë dosjen sa më parë, mos lejo që të përkeqësohen gjërat në këtë vend. Ne jemi sulmuar nga policia dhe njerëzit e Fatmir Shpezës. Prokuroria e Shkodrës do të jetë institucioni i parë përgjegjës nëse ndodh gjëja më minimale në Rrjoll,” tha ajo./Dosja.al

banorët e rrjollit

Sondazh

Poll

MË SHUMË