Aktualitet

EMRAT/ Ekstradim nga Londra në Tiranë për vjedhje celulari, shqiptarit i vendoset “Rolex” GPS në këmbë

Kjo i ka ndodhur Dajlan Hoxhës i prangosur prej Policisë Metropolitane në Londër si person i shpallur në kërkim ndërkombëtar prej Interpol Tiranës.

8 Mars 2026, 19:51 Nga D.S

EMRAT/ Ekstradim nga Londra në Tiranë për vjedhje celulari,

TIRANË- Edhe dënimi në mungesë për vjedhjen e një celulari mund të çojë drejt ekstradimit në Shqipëri duke e prishur qetësinë e një jete të re nisur në Angli. Kjo i ka ndodhur Dajlan Hoxhës i prangosur prej Policisë Metropolitane në Londër si person i shpallur në kërkim ndërkombëtar prej Interpol Tiranës.

Nga dokumentet e gjykatës të Ekstradimeve “Westminster Magistrate Court” disponuar prej gazetarit të Top Channel, Muhamed Veliu, 28-vjeçari Hoxha është dënuar në mungesë prej Gjykatës të Tiranës për vjedhjen e një celulari të shtetasit me inicialet S.Y në 10 shtator 2021. 
Gjykata e ekstradimeve në Londër do ta shqyrtojë kërkesën e Shqipërisë për të ekstraduar apo jo Dajlan Hoxhën më 8 prill.

Po ashtu për llogari të Interpol Tiranës, Policia Metropolitane në Londër ka arrestuar disa ditë më parë Bekim Çelajn. Gjykatës të ekstradimeve “Westminster Magistrate Court” iu tha se Çela, 25 vjeç, kërkohet nga drejtësia shqiptare, pasi më 28 shtator 2021, në fshatin Kovaçë të Tropojës ishte përfshirë mbjelljen e 38 rrënjë kanabis.

Si akuzë të dytë ndaj Bekim Çelës rëndon ajo e mbajtjes të nga granate luftarake pa leje. Ai është duke e ndjekur procesin e ekstradimit i lirë me kusht, me një pajisje monitorimi në këmbë GPS,  pasi një i afërm pagoi një garanci pasurore në gjykatë me vlerë 1.000 stërlina. Për kërkesën e ekstradimit të Shqipërisë gjykata londineze do të vendosë më 26 tetor./Top Channel

daljan hoxha londra gjykatës të tiranës

Sondazh

Poll

MË SHUMË