Politike

Berisha: Sokol Bizhga duhet dënuar për tradhti të lartë, e la kolegun e tij të digjej i gjallë nga kriminelë

Në një deklaratë për mediat , Berisha u shpreh se ai meriton të dënohet për tradhti të lartë ndaj shokut, ndaj bashkëluftëtarit të paktën 30 vite.

2 Mars 2026, 10:51 Nga D.S
Berisha: Sokol Bizhga duhet dënuar për tradhti të lartë, e
Sali Berisha

TIRANË- Kryedemokrati, Sali Berisha e cilësoi Kreun e Policisë, Sokol Bizhgën si një armiki egër i ligjit, i cili la kolegun e tij të digjej i gjallë nga kriminelë.

Në një deklaratë për mediat , Berisha u shpreh se ai meriton të dënohet për tradhti të lartë ndaj shokut, ndaj bashkëluftëtarit të paktën 30 vite. Sipas tij, arsyeja pse Rama shkarkoi Prodën është se nuk e mbrojti vilën e Enver Hoxhës, gjatë protestës së opozitës.

"*Pyetje: Z. Berisha, po për emërimin e Sokol Bizhgës në krye të policisë?*

Sali Berisha: Një armik i egër i ligjit, një tradhtar i kolegut të tij, që e dogjën të gjallë në makinë kriminelët Gjergj Mehmetin dhe ky ia mbathi.
Dhe del e u thotë se kalova nëpër kodra e nëpër male si partizan ky gjoja.
Ky është një tradhtar që e meriton të dënohet për tradhti të lartë ndaj shokut, ndaj bashkëluftëtarit të paktën 30 vite.
Prandaj e vuri Edi Rama aty tani, hoqi Prodën se nuk mbrojti vilën e Enverit dhe vuri këtë tani kundër opozitës.
Por ta dijë mirë se opozita e ka të dënuar atë.", tha Berisha./Dosja.al

sali berisha sokol bizhga edi rama ilir proda

Sondazh

Poll

MË SHUMË