Sport

Mungesë sigurie në Meksikë për Botërorin? Bolivia dhe Portugalia janë të shqetësuara…

Bolivia do të përballet me Surinamin më 26 mars në Monterrey. Shqetësime të ngjashme janë shprehur edhe nga Portugalia.

25 Shkurt 2026, 14:00 Nga DOSJA

Mungesë sigurie në Meksikë për Botërorin? Bolivia dhe

BOLIVI - Federata Boliviane e Futbollit do t'i dërgojë një letër FIFA-s duke kërkuar masa të shtuara sigurie përpara ndeshjeve eliminatore të Kupës së Botës 2026, të planifikuara për në mars në Meksikë.

Kërkesa vjen pas valës së dhunës që shpërtheu pas vdekjes së bosit të drogës Nemesio Oseguera Cervantes, i njohur si El Mencho.

"Ne do të kërkojmë që të rriten të gjitha masat e sigurisë. Si delegacion, po marrim të gjitha masat paraprake", tha Fernando Costa, president i Federatës Boliviane, duke shtuar se ata janë duke pritur vendimet e FIFA-s, përfshirë një ndryshim të mundshëm të vendit të zhvillimit të ndeshjes .

Turneu kualifikues, i cili do të japë dy vende për Kupën e Botës 2026, do të mbahet në Guadalajara dhe Monterrey, me pjesëmarrjen e Bolivisë, Xhamajkës, Irakut, Kongos, Kaledonisë së Re dhe Surinamit. 

Bolivia do të përballet me Surinamin më 26 mars në Monterrey. Shqetësime të ngjashme janë shprehur edhe nga Portugalia. Federata Portugeze e Futbollit ka njoftuar se po e monitoron nga afër situatën përpara ndeshjes miqësore kundër vendasve më 28 mars në stadiumin Azteca në Mexico City, duke specifikuar se përparësia kryesore është mbrojtja e lojtarëve - pritet të jetë i pranishëm Cristiano Ronaldo - stafit dhe tifozëve. 

B.T (Dosja.al)

Sondazh

Poll