Politike

Berisha: Jehona e kryengritjes në mediat botërore ishte e rrufeshme, kryengritësit mbrojtën dinjitetin e vendit tonë

Gjatë bashkëbisedimit me qytetarët në rrjetet sociale, Lideri i opozitës veçoi albumin e prestigjiozes Getty Images, ku, sipas tij, Shqipëria u paraqit si një vend i udhëhequr nga zgjedhje të stilit stalinist dhe me një kryeministër dhe zëvendëskryeministër të akuzuar për korrupsion.

21 Shkurt 2026, 12:39 Nga E. D
Berisha: Jehona e kryengritjes në mediat botërore ishte e rrufeshme,
Sali Berisha

TIRANË- Kreu i Partisë Demokratike, Sali Berisha ka deklaruar se jehona e kryengritjes paqësore të 20 shkurtit ka qenë më e madhe se kurrë. Gjatë bashkëbisedimit me qytetarët në rrjetet sociale, Lideri i opozitës veçoi albumin e prestigjiozes Getty Images, ku, sipas tij, Shqipëria u paraqit si një vend i udhëhequr nga zgjedhje të stilit stalinist dhe me një kryeministër dhe zëvendëskryeministër të akuzuar për korrupsion.

Pjesë nga fjala e Berishës:

Miq, jehona e kryengritjes tonë paqësorë mbrëmë ishte më e rrufeshme se kurrë ndonjëherë. Ndërkohë që kryengritja zhvillohej, agjencitë e lajmeve më të mëdha të botës, televizionet dhe mediat botërore e transmetonin atë. Po unë dua të veçoj sot para jush albumin e fotografive të agjencisë më prestigjioze në botë të fotografisë Getty Images.

Në albumin e saj, në disa nga fotot, ajo shkruante: Shqipëria, vendi i zgjedhjeve të stilit stalinist. Në të tjera, kryeministri hajdut dhe zëvendëskryeministrja hajdute. Pra, korrupsionin. Çka tregon se ju, të dashur kryengritës, mbrojtët nderin e vendit tonë, mbrojtët nderin e shqiptarëve, dinjitetin e tyre.

U bëtë fytyra e vërtetë e këtij kombi në dallim nga fytyra e nxirë e Edi Ramës dhe pushtetit të tij. Pra, kauza është e drejtë, fitorja është e jona. Edhe njëherë, mirënjohje të pakufishme për guximin dhe trimërinë tuaj./Dosja.al

sali berisha

Sondazh

Poll

Politike 21 Shkurt 2026, 12:24 Ditmir Bushati

THYERJA E BESIMIT

Për dekada të tëra Konferenca e Sigurisë e Mynihut ka shërbyer si një takim vjetor i aleancës transatlantike. Një vend...