Politike

VIDEO/ Rama ndan fjalimin e Thaçit në Hagë: Liria ka emër

Në fjalimin e tij në Hagë, Thaçi uroi Kosovën për 18 vjetorin e Pavarësisë dhe më pas deklaroi se është plotësisht i pafajshëm.

18 Shkurt 2026, 21:39 Nga E. D
VIDEO/ Rama ndan fjalimin e Thaçit në Hagë: Liria ka
Hashim Thaçi

TIRANË- Kryeministri Edi Rama ka në rrjetet sociale, një pjesë nga fjala e ish-Presidentit të Kosovës Hashim Thaçi, para trupës gjykuese në Hagë. Krahas fjalimit të Thaçit, kryeministri Rama shkruan: “Liria ka një emër”. Në fjalimin e tij në Hagë, Thaçi uroi Kosovën për 18 vjetorin e Pavarësisë dhe më pas deklaroi se është plotësisht i pafajshëm.

“Dje në Kosovë u shënua 18 vjetori i Pavarësisë së Republikës së Kosovës. Dëshiroj që sot nga kjo sallë t’u përcjell urimet më të përzemërta, të gjithë qytetarëve të Republikës së Kosovës për këtë festë madhështore. Është vetëm një e vërtetë, që akuzat nuk qëndrojnë.

Unë jam plotësisht i pafajshëm, por e kam thënë dhe e them serish me bindje të plotë, unë bashkëndjej dhe shpreh keqardhje për të gjitha viktimat që kanë pësuar në Kosovë pa marrë parasysh përkatësinë e tyre etnike.  Është e rëndë të dëgjosh këtë akuzë, veçanërisht kur gjatë luftës nuk e dija nëse do të isha gjallë prej orës në orë dhe ditës në ditë. Nuk isha i sigurt nëse do ta shihja familjen time, lëre më të ëndërroja të ushtroja kontroll në Kosovën e pushtuar për rreth 90 vite”.

Nuk mund të qëndroja indiferent, ku populli im po shfarosej. Të njëjtën gjë do të bënit edhe ju nëse populli juaj do të përjetonte atë që përjetoi populli im. Për këtë jam shumë krenar. Është ofendim, për kujtimin e mijëra heronjve që dhanë jetën për lirinë, është ofendim për dhjetëra mijëra viktimave të vrarë gjatë masakrave”, tha Thaçi./Dosja.al

edi ram hashim thaci

Sondazh

Poll

MË SHUMË