Politike

Investimet në bujqësi/ Ministri Salla: Do vendosim paketë për 70% të serave për mbrojtje biologjike

Në konferencën e mbajtur këtë të mërkurë, Salla deklaroi se, do vendoset paketë për 70 % të serave për mbrojtje biologjike.

18 Shkurt 2026, 11:25 Nga D.S
Investimet në bujqësi/ Ministri Salla: Do vendosim paketë
Andis Salla

TIRANË-  Ministri i Bujqësisë dhe Zhvillimit Rural, Andis Salla foli për sigurinë ushqimore për të cilën u shpreh se po punohet për të pasur një fokus më të shtuar ndaj mbrojtjes së konsumatorit shqiptar.

Në konferencën e mbajtur këtë të mërkurë, Salla deklaroi se, do vendoset paketë për 70 % të serave për mbrojtje biologjike. Ndër të tjera, Salla deklaroi se po bëhet gjithashtu edhe formatimi i stafit të AKU dhe shumë shpejt pritet të nisë edhe ndërtimi i laboratorëve.

“Mbështetja në sektorin e perimeve dhe frutave, për të orientuar të gjithë sigurinë ushqimore. Do vendosim paketë për 70 % të serave për mbrojtje biologjike. Pra është mënyra më e mirë dhe fermerët duhet të orientohen të jenë pjesë e kësaj paketë për sigurinë ushqimore. Është e rëndësishme të kemi urdhrin e ri të Agronomit të kemi një qëndrueshmëri të sigurisë ushqimore. Përveç urdhrit të agronomit jemi duke ndërtuar edhe 7 laboratorë që të kemi një siguri më të madhe kombëtare midis eksportit importit dhe laboratorëve që do jenë në territorin e Shqipërisë”, tha Salla./Dosja.al

andis salla investimet ne bujqesi

Sondazh

Poll

MË SHUMË