Sport

Jose Mourinho: "Një Real Madrid i plagosur, është më i rrezikshëm"

"Ata janë të plagosur", siguroi Mourinho, siç raportohet nga BBC. "Dhe një mbret i plagosur është i rrezikshëm”.

17 Shkurt 2026, 08:30 Nga DOSJA

Jose Mourinho: "Një Real Madrid i plagosur, është më i

PORTUGALI - "Një Real Madrid i plagosur është më i rrezikshëm", tha José Mourinho në prag të ndeshjeve eliminatore të Ligës së Kampionëve midis Benficës së tij dhe Real Madridit.

Benfica siguroi vendin e saj në eliminatore me një fitore 4-2 ndaj Real Madridit në ndeshjen e tyre të fundit të fazës së grupeve, me portierin Anatoliy Trubin që shënoi një gol me kokë në minutën e 98-të.

"Ata janë të plagosur", siguroi Mourinho, siç raportohet nga BBC. "Dhe një mbret i plagosur është i rrezikshëm. Do t'i afrohemi ndeshjes së parë me kokën, ambicien dhe besimin tonë. E dimë çfarë u bëmë ‘Mbretërve’ të Ligës së Kampionëve."

Benfica, e treta në Primeira Liga portugeze, do të luajë ndeshjen e parë të play-off-eve të marrtën në shtëpi, në Estadio da Luz. "Ndeshja do të jetë shumë e vështirë, pa dyshim. Trubin nuk do të jetë në sulm..." tha me humor Mourinho, i cili trajnoi Real Madridin nga viti 2010 deri në vitin 2013, duke fituar një titull lige.

"Jam shumë i mësuar me këto lloj ndeshjesh. E kam bërë gjithë jetën time. Njerëzit shpesh mendojnë se në ndeshjen e parë, një rezultat i caktuar është i nevojshëm për këtë apo atë arsye. Unë them se nuk ka një rezultat përfundimtar."

B.T (Dosja.al)

Sondazh

Poll

MË SHUMË