Sport

UEFA zhvillon Kongresin e 50-të në Bruksel & miraton vendime të rëndësishme...

Kongresi miratoi gjithashtu raportin vjetor të UEFA-s për sezonin 2024/25, raportin financiar dhe pasqyrat financiare për të njëjtën periudhë, si dhe buxhetin për vitin financiar 2026/27.

12 Shkurt 2026, 16:27 Nga DOSJA

UEFA zhvillon Kongresin e 50-të në Bruksel & miraton vendime

BELGJIKE - Kongresi i 50-të i UEFA-s, i zhvilluar sot në Bruksel, miratoi një sërë vendimesh të rëndësishme që lidhen me qeverisjen dhe të ardhmen e futbollit europian. Në këtë kongres mori pjesë edhe zv.presidenti i UEFA-s, Armand Duka, si edhe një delegacion i FSHF-së.

Anëtarët e Kongresit miratuan emrin e David Terrier, president i FIFPRO Europe, në Komitetin Ekzekutiv të UEFA-s. Terrier do të ushtrojë një mandat tre-vjeçar me të drejta të plota votimi, mandat që do të zgjasë deri në Kongresin e UEFA-s në vitin 2029.

Gjatë punimeve të Kongresit, u akordua gjithashtu anëtarësia e nderit e UEFA-s për Fernando Gomes, në vlerësim të kontributit të tij të jashtëzakonshëm në futbollin europian.

Ish-lojtari i njohur portugez është vlerësuar për rolin e tij si president i Federatës Portugeze të Futbollit dhe i Ligës Portugeze, si edhe për angazhimin e tij në strukturat drejtuese të UEFA-s dhe FIFA-s, përfshirë pozicionin e zëvendëspresidentit të Komitetit Ekzekutiv të UEFA-s dhe anëtarësinë në Këshillin e FIFA-s.

Kongresi miratoi gjithashtu raportin vjetor të UEFA-s për sezonin 2024/25, raportin financiar dhe pasqyrat financiare për të njëjtën periudhë, si dhe buxhetin për vitin financiar 2026/27. Delegatët votuan edhe disa ndryshime në Statutin e UEFA-s, ndërsa u vendos që Kongresi i 51-të i zakonshëm i UEFA-s të mbahet më 4 mars 2027 në Astana të Kazakistanit.

B.T (Dosja.al)

Sondazh

Poll

MË SHUMË