Aktualitet

Bashkëpunimi ushtarak:Tiranë-Prishtinë-Zagreb/ Takimi i krerëve të forcave të armatosura në Shkodër revolton Serbinë

Trekëndëshi Tiranë-Prishtinë-Zagreb thellon bashkëpunimin në mbrojtje, reagon e revoltuar Serbia

11 Shkurt 2026, 13:17 Nga D.S

 

Bashkëpunimi ushtarak:Tiranë-Prishtinë-Zagreb/ Takimi i
Foto nga takimi

 

 

SHKODËR- Po mbahet një takim i Shefave të Shtabit të Përgjithshëm të Forcave të Armatosura të Shqipërisë, Kroacisë dhe Kosovës, në Shkodër. Shefi i Shtabit të Përgjithshëm të Forcave të Armatosura të Shqipërisë, Arben Kingxhi, u shpreh se fokusi i takimit është thellimi i bashkëpunimit ushtarak përmes planeve konkrete.

Në një postim në Facebook, Kingji deklaroi se qëllimi i takimit është forcimi i angazhimit dhe koordinimit ushtarak, në përputhje me marrëveshjen për bashkëpunimin në mbrojtje midis Shqipërisë, Kroacisë dhe Kosovës. Një takim i Kroacisë, Shqipërisë dhe Prishtines në nivel drejtorësh për politikën e mbrojtjes dhe armatimet u mbajt në Zagreb më 30 janar.

Shqipëria, Kroacia dhe Kosova nënshkruan një memorandum bashkëpunimi në fushën e mbrojtjes dhe sigurisë më 18 mars 2025 në Tiranë. Pas nënshkrimit të memorandumit, përfaqësuesit më të lartë të Serbisë kanë reaguar të revoltuar kundër këtij bashkëpunimi me arsyen se është i drejtuar drejtpërdrejt kundër Serbisë./Dosja.al

arben kingji shefi i shtabit të përgjithshëm të forcave të armatosura të shqipërisë

Sondazh

Poll

MË SHUMË