Aktualitet

Avokati i Metës u godit me mjet prerës pas koke! Ja si paraqitet gjendja e Cakranit në spital

Nga burimet spitalore mësohet se avokati i Metës ka dëmtime serioze në kokë, dhe aktualisht nuk arrin të qëndrojë në këmbë.

8 Shkurt 2026, 16:31 Nga D.S
Avokati i Metës u godit me mjet prerës pas koke! Ja si paraqitet
Kujtim Cakrani

VLORË- Avokati Kujtim Cakrani, i cili u dhunua ditën e sotme nga dy persona, ka pësuar dëmtime në kokë pasi është goditur me mjet prerës në pjesën e pasme. Nga burimet spitalore mësohet se avokati i Metës ka dëmtime serioze në kokë, dhe aktualisht nuk arrin të qëndrojë në këmbë.

Gjithashtu pritet mbërritja e ekspertëve mjeko-ligjorë dhe e policisë në spital të cilët do të marrin dëshminë e avokatit dhe po punojnë për zbardhjen e plotë të ngjarjes.

Si ndodhi ngjarja ?

Avokati dhe mbrojtësi ligjor i Ilir Metës, Kujtim Cakrani është dhunuar ditën e sotme rreth orës 13:30 në ambientet e një karburanti në qytetin e Vlorës. Cakrani është goditur pas një konflikti të çastit me disa persona të cilët mbeten ende të paidentifikuar. Avokati është dërguar në spitalin e Vlorës aty ku po merr mjekimin e duhur. Ai u shpreh se dy persona të panjohur për të e kanë ofenduar dhe më pas e kanë sulmuar në momentin që ai po furnizohej me karburant. Ndërkohë, Policia e Vlorës ka reaguar ndaj dhunës së avokatit duke njoftuar se automjeti me të cilin u larguan dy dhunuesit e dyshuar është identifikuar. Sipas tyre, ngjarja dyshohet se ka të bëjë me pozicionimin e automjetit në pikën e furnizimit dhe bllokimin e mjeteve të tjera, ndërsa avokati Cakrani shprehet se nuk beson se ky ka qenë shkaku i vërtetë./Dosja.al

kujtim cakrani ilir meta avokati cakrani dhunohet brutalisht

Sondazh

Poll

MË SHUMË