Sport

Marrëveshje thuajse e kryer: Michael Carrick zëvendëson Amorimin te Man.United…

Ish-mesfushori tashmë ka rënë dakord të kthehet në klub. Njoftimi zyrtar pritet më vonë sot.

13 Janar 2026, 19:15 Nga DOSJA

Marrëveshje thuajse e kryer: Michael Carrick zëvendëson Amorimin

ANGLI - Njoftimi zyrtar i mbërritjes së Michael Carrick te Manchester United si trajner i përkohshëm deri në fund të sezonit është i afërt. Lajmi u raportua nga shumica e shtypit anglez dhe pritet që ky lajm tp zyrtarizohet jo më vonë se sot, të martën.

Pas largimit të Ruben Amorim, Darren Fletcher (i cili, ashtu si Carrick, është një ish-mesfushor i Manchester United) drejtoi “Djajtë e Kuq” në dy ndeshje, në të cilat klubi barazoi (2-2) me Burnley dhe më pas u eliminua nga Kupa FA nga Brighton (1-2).

Sipas BBC-së, Fletcher - i cili do të kthehet në stërvitje - nuk do të jetë pjesë e stafit të trajnerëve të ish-shokut të tij të skuadrës, i cili do të përbëhet nga Steve Holland, ish-ndihmës te Chelsea dhe me ekipin kombëtar të Anglisë, i cili do të luajë gjithashtu këtë rol në Old Trafford, si dhe Jonathan Woodgate (ish-lojtar i kombëtares angleze), Jonny Evans (ish-lojtar i United) dhe Travis Binnion (trajner i të rinjve të “Djajve të Kuq”).

Debutimi i Michael Carrick si trajner i United do të jetë kundër Manchester City më 17 janar.

B.T (Dosja.al)

Sondazh

Poll

MË SHUMË