Aktualitet

Moti i keq në Korçë/ Disa zona ende pa energji! Vijon puna për mbylljen e argjinaturës së lumit Devoll

Në një njoftimin zyrtar, prefektura e qarkut Korçë bëhet me dije se, segmentet rrugore janë të kalueshme, përveç aksit Maliq-Kufi Gramsh ku problematikë mbeten aluvionet në formë balte që vijnë nga skarpatat, kryesisht në zonën e Lozhanit.

13 Janar 2026, 09:13 Nga D.S
Moti i keq në Korçë/ Disa zona ende pa energji! Vijon puna
Korçë

KORÇË- Pas reshjeve të shiut, ekipet e punës në bashkëpunim me Bashkinë Maliq dhe Drejtorinë e Ujitjes dhe Kullimit po punojnë për mbylljen e çarjes e argjinaturës së lumit Devoll.

Në një njoftimin zyrtar, prefektura e qarkut Korçë bëhet me dije se, segmentet rrugore janë të kalueshme, përveç aksit Maliq-Kufi Gramsh ku problematikë mbeten aluvionet në formë balte që vijnë nga skarpatat, kryesisht në zonën e Lozhanit. Gjithashtu prefektura njofton se, ekipet e OSHEE-së ndodhen në gatishmëri për riparimin e defekteve në terren.

Njoftimi i plotë:

"Prefektura e Qarkut Korçë informon se, sipas të dhënave nga ARRSH – Drejtoria Qendër–Lindje, gjatë natës nuk janë regjistruar reshje në akset rrugore të qarkut. Temperaturat kanë qenë nën zero dhe është kryer kriposje në zonat problematike.

Në segmentet Ersekë–Leskovik dhe Maliq–Kufi Gramsh qarkullimi vijon normalisht. Në aksin Maliq–Kufi Gramsh problematikë mbeten aluvionet në formë balte që vijnë nga skarpatat, kryesisht në zonën e Lozhanit.

Në akset Boboshticë–Dardhë, Lapidari Podgorie–Podgorie–Liqenas, si dhe në lotin 7 (Libonik–Rëmbec–Plasë dhe Korçë–Voskopojë), është kryer kriposje sipas nevojës dhe qarkullimi është normal.

Në akset Korçë–Ersekë dhe Zemblak–Goricë–Bilisht–Miras nuk raportohen probleme, ndërsa qarkullimi rekomandohet të kryhet me goma dimërore.

OSHEE – Drejtoria Rajonale Korçë raporton se aktualisht janë 3 fiderë pjesërisht të stakuar, me një numër të kufizuar abonentësh pa energji elektrike:

Në zonën e Maliqit, 14 abonentë ruralë;

Në zonën e Pogradecit, 4 abonentë privatë;

Në zonën e Gjançit, 2 abonentë.

Ekipet e OSHEE-së ndodhen në gatishmëri për riparimin e defekteve në terren. Të gjithë fiderët që furnizojnë konsumatorë të rëndësisë së veçantë janë funksionalë. Hidrovori i Pogradecit vijon punën normalisht.

Ndërkohë, vijon puna për mbylljen e çarjes së argjinaturës së lumit Devoll, me je angazhimin e mjeteve të Ministrisë së Mbrojtjes, në bashkëpunim me Bashkinë Maliq dhe Drejtorinë e Ujitjes dhe Kullimit.

Nga bashkitë e qarkut nuk raportohen problematika të reja. Strukturat përgjegjëse vijojnë të jenë në terren për normalizimin e plotë të situatës dhe sistemimin e dëmeve të mbetura."/Dosja.al 

prefektura e qarkut korçë korcë lumi devoll

Sondazh

Poll

Aktualitet 3 Dhjetor 2025, 14:52 ndricim halilaj

Lëvizja e lirë e avokatëve

Lëvizja e lirë e punëtorëve, e krijuar nga Traktati i Romës i nënshkruar në vitin 1957, ka evoluar në mënyrë...

MË SHUMË