Sport

Trajnerët e “epokës” së Florentino Perezit...

Arbeloa do të jetë trajneri i pesëmbëdhjetë i Real Madridit nën presidencën e Florentino Pérez.

12 Janar 2026, 19:41 Nga DOSJA

Trajnerët e “epokës” së Florentino Perezit...

SPANJE - Koha e Xabi Alonsos te Real Madridi ka mbaruar. Lojtari i lindur në Tolosa u shkarkua nga posti i trajnerit dhe Álvaro Arbeloa do të bëhet trajneri i pesëmbëdhjetë i Real Madridit nën presidencën e Florentino Pérez.

Koha e Xabi Alonsos si trajner i Santiago Bernabéu zgjati shtatë muaj e 17 ditë, që kur u njoftua emërimi i tij më 26 maj.

Gjatë kësaj kohe, ai drejtoi ekipin në 34 ndeshje, duke arritur 24 fitore, katër barazime dhe gjashtë humbje, e fundit prej të cilave erdhi në finalen e Superkupës së Spanjës kundër Barcelonës.

Edhe pse mandati i tij ishte i shkurtër, nuk është më i shkurtri nga çdo trajner tjetër nën drejtimin e Florentino Pérez.

Florentino Pérez ka pasur pesëmbëdhjetë trajnerë në dy periudhat e tij në krye të Real Madridit. Ai trashëgoi Vicente del Bosquen, pas mbërritjes së tij në klub dhe e mbajti atë për tre sezone, gjatë të cilave fitoi gjashtë tituj.

Kontrata e Del Bosques nuk u rinovua në fund të sezonit 2022-23, sipas fjalëve të klubit, për të modernizuar qasjen e ekipit, dhe u punësua Carlos Queiroz, asistenti i Fergusonit te Manchester United. Queiroz zgjati vetëm një sezon (duke fituar një Superkupë). 

Koha e José Antonio Camachos në stolin e Real Madridit ishte edhe më e shkurtër, duke dhënë dorëheqjen më 20 shtator 2004, pas vetëm katër muajsh në krye. Ai u zëvendësua nga Mariano García Remón deri në fund të atij viti.

Braziliani Wanderlei Luxemburgo mbërriti në Bernabéu në vitin e ri të vitit 2005 dhe qëndroi për njëmbëdhjetë muaj para se të zëvendësohej nga Juan Ramón López Caro, atëherë trajner i Castilla, i cili ishte trajneri i fundit i periudhës së parë të Florentino Pérez në Real Madrid. 

Për mandatin e tij të dytë në krye të Real Madridit, Florentino Pérez zgjodhi Manuel Pellegrini si trajner. Kiliani zgjati vetëm një sezon (2009-10). José Mourinho ishte basti i madh i radhës për stolin e Real Madridit. Trajneri portugez kaloi tre sezone, duke fituar tre tituj, përpara se të vendoste të largohej në vitin 2013.

Carlo Ancelotti, i ardhur nga PSG, ishte trajneri i radhës dhe i pari që pati dy periudha në krye të Real Madridit. Në periudhën e tij të parë (2003-2015), ai fitoi katër tituj, dhe në të dytën (2021-2025), ai fitoi njëmbëdhjetë trofe. 

Rafa Benítez zëvendësoi Ancelottin në vitin 2015 dhe, ashtu si Xabi, qëndroi vetëm shtatë muaj në stolin e Real Madridit përpara se të zëvendësohej më 4 janar 2016 nga Zinedine Zidane, i cili mbeti në krye të ekipit në mandatin e tij të parë deri në vitin 2019, duke fituar nëntë tituj.

Sezoni 2018-19 ishte më i trazuari në marrëdhënien e Florentino Pérez me trajnerët. Filloi me Julen Lopetegui, i cili u shkarkua më 29 tetor 2018. Santiago Solari më pas mori drejtimin e ekipit dhe më 11 mars 2019, Zidane u rikthye, duke qëndruar si trajner për dy vjet e tre muaj të tjerë, gjatë të cilëve fitoi dy tituj të tjerë.

Ancelotti pasoi Zidanen dhe Xabi Alonso e ndoqi atë. Tani, Arbeloa vjen si zëvendësues i Xabit.

Trajnerët e “epokës” së Florentino Perezit...

B.T (Dosja.al)

Sondazh

Poll

MË SHUMË