Aktualitet

Sherr në burgun e Reçit, Astmer Bilali dhe Mikel Thani përfundojnë në spital pas përplasjes fizike

Personat e përfshirë në sherr janë Astmer Bilali dhe Mikel Thani, të cilët pas përplasjes janë transportuar me urgjencë drejt Spitalit të Burgut në Tiranë për mjekim të specializuar.

8 Janar 2026, 23:22 Nga I.A

Sherr në burgun e Reçit, Astmer Bilali dhe Mikel Thani

MALËSI E MADHE- Një konflikt i dhunshëm ka shpërthyer sot në burgun e Reçit, në Malësinë e Madhe, ku dy të dënuar janë përplasur fizikisht, duke përfunduar me dëmtime të rënda.

Personat e përfshirë në sherr janë Astmer Bilali dhe Mikel Thani, të cilët pas përplasjes janë transportuar me urgjencë drejt Spitalit të Burgut në Tiranë për mjekim të specializuar.

Ngjarja ka ndodhur gjatë kohës së drekës, kur mes tyre nisi një debat i cili degjeneroi shpejt në dhunë fizike. Sipas burimeve, Thanit i janë bashkuar disa të burgosur të tjerë, duke acaruar më tej situatën.

Rojet e burgut ndërhynë për të ndarë palët, ndërsa të dy të dënuarit kanë pësuar dëmtime të shumta në trup.

Ky nuk është incidenti i parë i dhunshëm në burgun e Reçit. Pak kohë më parë, një tjetër konflikt mes të dënuarve Safet Bajri dhe Sokol Sanxhaktari u pasua me lëndime dhe ndërhyrje të forcave të sigurisë.

mikel thani astmer bilali

Sondazh

Poll

MË SHUMË