Sport

Asllani i ndjek shokët nga stoli, Ismajli vendimtar në fitoren e Torinos…

Mosaktivizimi asnjë minute në këtë ndeshje, shton edhe më shumë zërat për një largim të mundshëm të mesfushorit kuqezi Asllani nga skuadra e Torinos.

5 Janar 2026, 08:00 Nga DOSJA

Asllani i ndjek shokët nga stoli, Ismajli vendimtar në fitoren e

ITALI - Torino u rikthye te fitorja në Serinë A, fitoi pastër 3-0 ndaj skuadrën Hellas Verona në transfertë, në duelin e javës së 18-të.

Për Granadën, nuk luajti për asnjë minutë mesfushori Kristjan Asllani. Për shqiptarin e Kombëtares kuqezi përflitet se mund të largohet nga skuadra ë Torinos që këtë merkato, për t’u rikthyer të Interi, klub që zotëron kartonin e tij.

Mosaktivizimi asnjë minute në këtë ndeshje, shton edhe më shumë zërat për një largim të mundshëm të mesfushorit kuqezi Asllani.

Sa i përket ndeshjes, Giovani Simeone zhbllokoi takimin në minutën e 10-të. Casadei dyfishoi shifrat në minutën e 87-të, ndërsa goli i tretë u shënua nga Njie.

Pikërisht te goli i fundit, asistin e dha mbrojtësi i Kombëtares, Ardian Ismajli. Lojtari kuqezi tregoi paraqitje të shkëlqyer në mbrojtje, ndërsa asisti konfirmoi momentin e mirë të tij.

Me këtë fitore, Torino merr vendin e 11-të me 23 pikë, ndërsa Verona renditet në vendin e 18-të me 12 pikë.

B.T (Dosja.al)

Sondazh

Poll

MË SHUMË