Sport

'Nuk duket mirë' - Pep Guardiola më tepër i shqetësuar për dëmtimet, se për rezultatin!

Trajneri i Manchester Cityt, Pep Guardiola, humbi dy lojtarë për shkak të dëmtimeve në barazimin e tyre në Premier League kundër Sunderlandit.

2 Janar 2026, 11:48 Nga DOSJA

'Nuk duket mirë' - Pep Guardiola më tepër i

ANGLI - Pas përfundimit të ndeshjes ndaj Sunderlandit, trajneri Pep Guardiola tha se dëmtimi i Savinhos "nuk duket mirë", ndërsa klubi pret lajme mbi problemin që pësoi Nico Gonzalez.

Gonzalez u largua në pushimin e pjesës së parë pasi nuk arriti të zgjidhte një problem dhe anësori Savinho u nxorr jashtë loje disa minuta më vonë pasi u dëmtua në fund të një shansi.

Rodri dhe Jeremy Doku u rikthyen me urgjencë nga lëndimet dhe ndihmuan në ndryshimin e lojës, ndërsa City u përpoq të shënonte golin e parë, por në fund u zhgënjyen nga skuadra e Sunderland, e cila ruajti rekordin e saj krenar të qëndrimit të pamposhtur në shtëpi në sezonin e tyre të parë në Premier League.

Gjithsesi, mbrëmja e Cityt u prish nga dëmtimet e Gonzalez dhe Savinho që u detyrian të largoheshin gjatë ndeshjes. Shqetësimi rritet për faktin se Chelsea dhe Brighton do të jenë përballë Man.Cityt në fushë në gjashtë ditët e ardhshme.

Pavarësisht këtyre pengesave, Guardiola ishte i kënaqur me mënyrën se si skuadra e tij luajti kundër Sunderland, teksa e zgjeruan serinë e tyre pa humbje në nëntë ndeshje në të gjitha garat.

Edhe pse nuk arritën të merrnin një fitore, trajneri mendonte se kishin luajtur më mirë në Stadium of Light sesa kur fituan në City Ground javën e kaluar.

"Por ne luajtëm shumë më mirë se Nottingham Forest dhe sot nuk mundëm të fitonim. Tani është koha për t'u rikuperuar sepse kemi dy ditë deri në ndeshjen kundër Chelseat dhe do të përpiqemi ta arrijmë."

B.T (Dosja.al)

 

Sondazh

Poll

MË SHUMË