Sport

Edhe pse të dy spanjollë, Unai Emery dhe Mikel Arteta nuk i shtrënguan duart në fund të ndeshjes midis Arsenalit dhe Aston Villas...

Unai Emery, trajneri spanjol i Aston Villas, tha se nuk e pa bashkëkombësin e tij Mikel Arteta, atë të Arsenalit, kur u kthye në dhomën e zhveshjes pas fishkëllimës së fundit të ndeshjes midis dy ekipeve të martën në mbrëmje (4-1 për Topçinjte).

31 Dhjetor 2025, 07:30 Nga DOSJA
Edhe pse të dy spanjollë, Unai Emery dhe Mikel Arteta nuk i
Unai Emery të martën në mbrëmje gjatë humbjes 1-4 të Aston Villas ndaj Arsenalit

ANGLI - Nuk pati shtrëngim duarsh midis dy trajnerëve spanjolë në fund të fitores 4-1 të Arsenalit ndaj Aston Villa të martën, duke shkaktuar një polemikë të vogël.

Dukshëm i mërzitur nga humbja e ekipit të tij, Unai Emery u irritua edhe më shumë kur u pyet pse nuk e kishte përshëndetur Mikel Arteta pas fishkëllimës së fundit.

“E prita, por ai ishte me asistentët e tij”, u përgjigj trajneri i Aston Villës. “Praktika ime e zakonshme është të shkoj në stolin kundërshtar për t’i shtrënguar dorën trajnerit dhe pastaj të kthehem në dhomën e zhveshjes. Por ai nuk ishte aty. Nëse nuk dëshiron të ndjekë të njëjtat rregulla, nuk do të pres. Nuk e di çfarë ka ndodhur.” 

I pyetur më tej nëse kishte ndonjë problem me pasardhësin e tij te Arsenali, Emery ishte pothuajse paksa shumë i prerë në përgjigjen e tij: “Jo, asnjë problem. Ndoshta ishte shumë ftohtë.”

B.T (Dosja.al)

Sondazh

Poll

MË SHUMË