Sport

Ish-mesfushori Fredy Guarin, ferr dhe kthim: "Alkool, depresion dhe tre tentativa vetëvrasjeje. Por unë po e fitoj betejën time"

Ish-mesfushori i zikaltërve: "Dua të ndaj përvojën time me të tjerët."

22 Dhjetor 2025, 12:30 Nga DOSJA

Ish-mesfushori Fredy Guarin, ferr dhe kthim: "Alkool, depresion dhe tre

ITALI - Dritë pas errësirës, rilindje pas ferrit. "Si jam? Po e fitoj betejën time."

Ish-lojtari i Interit, Fredy Guarin, shikon prapa dhe rrëfen jetën e tij, duke luftuar me depresionin, problemet me alkoolin dhe përpjekjet për vetëvrasje.

Ai u përpoq të vetëvritej tri herë: "Zoti më shpëtoi. Fillova të pija gjatë muajve të fundit te Interi. Ndihesha keq për situatën time familjare", tha ish-mesfushori kolumbian për 'Corriere della Sera'.

"Po ndahesha nga gruaja ime, isha larg fëmijëve të mi. Kur u transferova në Kinë, situata ime u përkeqësua. Kur shkova në Brazil, shpërtheu Covid. Në atë moment, gjëja që më shpëtonte ende u zhduk: futbolli. Mbeta pa asgjë, vetëm me veten time."

Pastaj thirrja për ndihmë: "Një ditë isha vetëm në shtëpi dhe kisha pirë. Telefonova njerëz, por askush nuk u përgjigj. Po mendoja t'i jepja fund gjithçkaje. Isha i lodhur nga gjithçka. Telefonova psikologun tim dhe agjentin tim."

Në atë pikë, ai filloi rehabilitimin në një fondacion që e ndihmoi të linte alkoolin. Ai i pa përsëri fëmijët e tij: "Nuk më falën menjëherë, por me kalimin e kohës më kuptuan. Tani punoj në fondacion me psikologen time; dua ta ndaj përvojën time me të tjerët."

B.T (Dosja.al)