Sport

Jose Mourinho arrin një moment historik në karrierën e tij plot suksese dhe 'sherre'!...

Trajneri portugez arrin fitoren e tij të 750-të në karrierë. Ky është një record i rëndësishëm për të.

18 Dhjetor 2025, 17:44 Nga DOSJA

Jose Mourinho arrin një moment historik në karrierën e tij plot

PORTUGALI - Fitorja 2-0 ndaj Farenses jo vetëm që e çoi Benfikën në çerekfinalet e Kupës së Portugalisë, por gjithashtu i lejoi José Mourinhos të arrinte një moment historik personal: fitoren e tij të 750-të në karrierë.

Klubi i Lisbonës e festoi këtë arritje duke e nderuar trajnerin me një fanelë të veçantë. Megjithatë, besnik ndaj formës së tij, Mourinho menjëherë shikoi përtej, duke postuar një mesazh në rrjetet sociale plot me ambicien e tij të zakonshme, duke synuar tashmë fitoren e tij të 751-të.

"750 fitore. Cila është më e rëndësishmja? E para? Benfica-Belenenses? Finalja e Ligës së Kampionëve Porto-Monaco? Finalja e dytë e Ligës së Kampionëve, midis Interit dhe Bayernit? Sonte, Benfica-Ferense? JO! Tjetra!!!! E 751-ta!!!! Po punojmë për tjetrën", shkroi ‘Special One’.

Ndër komentet e shumta në postim, njëri në veçanti spikati: ai i Georgiy Sudakov. Futbollisti thjesht u përgjigj me 'gif'-in ikonik të momentit kur Mourinho i kërkoi në mënyrë kontroverse shtypit anglez "respekt" gjatë kohës së tij në Premier League.

B.T (Dosja.al)

Sondazh

Poll

MË SHUMË