Aktualitet

Gjykata e Tiranës lë në arrest shtëpie tre zyrtarë të Bashkisë Tiranë për dëmtimin e buxhetit, përmes punimeve fiktive! Detyrim paraqitje për pesë të tjerë

Ndërsa Eleana Guçe, Rexhina Rakipi, Aleksandra Mahmutllari, Shyqyri Maloku dhe Fatmir Firi u lanë nën detyrim paraqitje. 

12 Dhjetor 2025, 17:13 Nga E.d
Gjykata e Tiranës lë në arrest shtëpie tre zyrtarë
Foto ilustruse

TIRANË- Masat e sigurisë për zyrtarët e Bashkisë Tiranë dhe IMT-së, janë lënë në fuqi nga Gjykata e Tiranës. Aurel Çuko, Aurel Boriçi, Sokol Qehajaj, Eleana Guçe, Rexhina Rakipi, Aleksandra Mahmutllari, Shyqyri Maloku dhe Fatmir Firi akuzohen për shpërdorim detyre e falsifikim dokumentesh. Kjo lidhur me shembjen e disa pallateve në Kombinat, të cilat ishin dëmtuar nga tërmeti.

Gjykata la në arrest shtëpie Aurel Çuko, Aurel Boriçi dhe Sokol Qehajaj. Ndërsa Eleana Guçe, Rexhina Rakipi, Aleksandra Mahmutllari, Shyqyri Maloku dhe Fatmir Firi u lanë nën  masën detyrim paraqitje. 

Hetimi ndaj tyre nisi, pasi ata futën në tender një pallat i cili ishte shembur më parë me mjetet dhe shpenzimet e bashkisë, në listën e ndërtesave që duheshin shembur. Në lidhje me këtë Prokuroria e Tiranës ka thënë se ky nuk ishte pallati i vetëm që u pagua për tu shembur, ndonëse ishte shembur më pare. Por, mes tyre ishin edhe pesë ndërtesa të tjera./Dosja.al

gjykata e tiranës imt falsifikim dokumentesh

Sondazh

Poll