Bota

BE i përgjigjet Trump mbi strategjinë e re të sigurisë: Përgjegjësia për paqen është edhe e jona

Pas publikimit të strategjisë së re të sigurisë kombëtare të SHBA-s, BE-ja nënvizon se Evropa dhe Shtetet e Bashkuara ndajnë përgjegjësinë për të mbështetur një paqe të drejtë dhe të qëndrueshme.

8 Dhjetor 2025, 13:22 Nga D.S
BE i përgjigjet Trump mbi strategjinë e re të sigurisë:
Bashkimi Evropian 

BRUKSEL- Bashkimi Evropian i është përgjigjur SHBA-së në lidhje me strategjinë e re të sigurisë kombëtare që publikuar nga Donald Trump, në lidhje me përfundimin e luftës së Rusisë kundër Ukrainës. Pas publikimit të strategjisë së re të sigurisë kombëtare të SHBA-s, BE-ja nënvizon se Evropa dhe Shtetet e Bashkuara ndajnë përgjegjësinë për të mbështetur një paqe të drejtë dhe të qëndrueshme. Mediat e huaja shkruajnë se Bashkimi Evropian mirëpret përparësinë e dhënë nga strategjia e re e sigurisë së SHBA-së në lidhje me përfundimin e luftës së Rusisë kundër Ukrainës. 

"Evropa mbetet strategjikisht dhe kulturalisht jetike për Shtetet e Bashkuara. Tregtia transatlantike mbetet një nga shtyllat e ekonomisë globale dhe prosperitetit amerikan. Evropa mbështetet te SHBA-ja për mbrojtje. Në vitet e fundit, ne kemi forcuar përpjekjet tona dhe do të vazhdojmë ta bëjmë këtë. Ne po forcojmë aftësitë tona mbrojtëse dhe bazën tonë industriale të mbrojtjes. Evropa po rrit masivisht investimet në mbrojtje, si për të forcuar sigurinë e saj ashtu edhe për të vazhduar të kontribuojë me vendosmëri në Aleancë, së bashku me një përpjekje të koordinuar për të forcuar industrinë e mbrojtjes për të prodhuar aftësi kritike. Kjo është arsyeja pse Komisioni krijoi kushtet për një paketë shtesë investimi prej 800 miliardë eurosh në mars 2025,” raportojnë mediat e Brukselit.

Lidhur me gjobën prej 120 milionë eurosh të vendosur nga Komisioni Europian ndaj platformës “X”, pas më shumë se dy vitesh hetimesh për shkelje të rregullave të Aktit të Shërbimeve Dixhitale, Brukseli thekson se vendimet që lidhen me Bashkimin Europian merren nga Bashkimi Europian për Bashkimin Europian./Dosja.al

bashkimi evropian  donald trump

Sondazh

Poll

MË SHUMË