Bota

Të shtëna me armë në një qendër tregtare në Oslo! Arrestohet një person, iu gjet një pushkë gjahu dhe një thikë

I arrestuari është një 19-vjeçar, i cili ishte i armatosur me një pushkë gjahu dhe kishte me vete një shkop gome dhe një thikë.

8 Dhjetor 2025, 13:36 Nga E.d
Të shtëna me armë në një qendër tregtare në
Foto ilustruse

NORVEGJI- Disa të shtëna me armë janë regjistruar në Oslo. Policia norvegjeze tha këtë të hënën, se kishte marrë njoftime për të shtëna me armë në një qendër tregtare. Në kuadër të kësaj autoritetet norvegjeze kanë arrestuar një person.

Sipas mediave të huaja, të shtënat ndodhën brenda qendrës tregtare Storo Storsenter. I arrestuari është një 19-vjeçar, i cili ishte i armatosur me një pushkë gjahu dhe kishte me vete një shkop gome dhe një thikë.

Autoritetet u kanë kërkuar qytetarëve të qëndrojnë larg zonës ku u dëgjuan të shtënat me armë. Forcat policore po kontrollojnë zonën dhe kanë nisur kërkimet në rast se ka autorë të tjerë, të përfshirë në ngjarjen e regjistruar këtë të hënë në Oslo./Dosja.al

oslo armë norvegji

Sondazh

Poll

MË SHUMË