Bota

Kaos në Afrikën e Jugut/ Persona të armatosur sulmojnë një hostel, shënohen 11 viktima, përfshirë një djalë 3-vjeçar

Ndërkohë, katërmbëdhjetë të tjerë u plagosën kur persona të armatosur sulmuan lokalin në lagjen Saulsville, në perëndim të kryeqytetit Pretoria këtë të shtunë. Midis viktimave është edhe një fëmijë trevjeçar.

6 Dhjetor 2025, 12:24 Nga E. D
Kaos në Afrikën e Jugut/ Persona të armatosur sulmojnë
foto ilustruese

AFRIKA E JUGUT-Të shtëna me armë zjarri janë raportuar ditën e sotme në Afrikën e Jugut. Bëhet me dije se nga të shtënat masive në një hostel në Afrikën e Jugut të paktën 11 persona janë vrarë.

Ndërkohë, katërmbëdhjetë të tjerë u plagosën kur persona të armatosur sulmuan lokalin në lagjen Saulsville, në perëndim të kryeqytetit Pretoria këtë të shtunë. Midis viktimave është edhe një fëmijë trevjeçar.

Incidenti ndodhi në orën 4:30 të mëngjesit (ora lokale), kur tre persona të armatosur hynë në ndërtesë dhe qëlluan. Motivi i sulmit mbetet i panjohur, ndërsa nuk janë bërë arrestime.

Afrika e Jugut, vendi më i industrializuar i Afrikës, është i prekur nga krimi i organizuar dhe korrupsioni. Shumë njerëz mbajnë leje për armëmbajtje për mbrojtje personale. Sipas të dhënave të policisë, rreth 63 persona vriten çdo ditë midis prillit dhe shtatorit./Dosja.al

afrika e jugut të shtëna me armë zjarri

Sondazh

Poll

MË SHUMË