Bota

Problemi më i madh i Ballkanit është stabiliteti

Dëshmitarët dhe anëtarët e Kongresit ranë dakord se Serbia është burimi i shumë problemeve në rajon. Korrupsioni i saj, qeveria gjithnjë e më autokratike, lidhjet tregtare dhe ushtarake me Kinën, si dhe lidhjet politike dhe ekonomike me Rusinë janë problematika serioze.

5 Dhjetor 2025, 22:34 Nga Daniel Serwer
Problemi më i madh i Ballkanit është stabiliteti
Foto ilustruese

BRUKSEL- Nënkomiteti i Evropës i Dhomës së Përfaqësuesve mbajti dje një seancë dëgjimore me temë “Pika e nxehjes: Një rrugë drejt stabilitetit në Ballkanin Perëndimor”. Dëshmitarët dhe anëtarët e Kongresit ranë dakord se Serbia është burimi i shumë problemeve në rajon. Korrupsioni i saj, qeveria gjithnjë e më autokratike, lidhjet tregtare dhe ushtarake me Kinën, si dhe lidhjet politike dhe ekonomike me Rusinë janë problematika serioze.

Ata kërkuan mbështetje të fortë për Kosovën dhe për shqiptarët në Serbinë jugore, pavarësisht mospëlqimit të Departamentit të Shtetit ndaj Kryeministrit të Kosovës, Kurti.

Dëshmitarët vunë gjithashtu në pikëpyetje vendimin e Administratës Trump për të lehtësuar sanksionet ndaj Milorad Dodik, ish-presidentit të entitetit serb në Bosnjë, duke theksuar se askush nuk mund të identifikonte një përfitim të qartë për SHBA-në dhe ngritën dyshime mbi ndikimin e lobistëve pranë Trump. Disa u shprehën për rivendosjen e sanksioneve.

Në lidhje me optimizmin për ta afruar Serbinë drejt perëndimit, u theksua se presidenti Vuçiç nuk ka interes të ndryshojë qasjen e tij:

“Ai nuk ka interes që Serbia ose Bosnja të bashkohen me NATO-n. Vuçiç është shumë më i interesuar të ndihmojë Trumpin të ndërtojë një projekt hoteli në Beograd. Ai mendon, me arsye të mira, se kjo do të mjaftojë për t'i blerë kredi në Uashington.”
Max Primorac nga Fondacioni Heritage mbështeti eliminimin e "Përfaqësuesit të Lartë" në Bosnjë dhe krijimin e një "entiteti të tretë" për kroatët, një ide që do të rrëzonte marrëveshjet e Dejtonit dhe do të rrezikonte fillimin e konflikteve në Bosnjë. Në anën tjetër, Luke Coffey dhe Ed Joseph mbështetën ruajtjen e marrëveshjeve të Dejtonit.

Primorac theksoi gjithashtu mundësitë për eksportin e mallrave energjetike amerikane në Ballkan dhe importin e mineraleve kritike, por analistët paralajmëruan se korrupsioni, autokracia dhe tensionet etnike mbajnë investitorët larg.

Sipas ekspertëve, Ballkani është sot relativisht i qëndrueshëm, por ky stabilitet mbështetet nga korrupsioni dhe tensionet etnike. Ajo që rajoni ka nevojë aktualisht është ndryshimi politik, i orientuar drejt demokracisë dhe perëndimit, duke reduktuar autokracinë në Serbi dhe duke rritur sovranitetin e Kosovës dhe të drejtat individuale në Bosnjë.

“SHBA-të mund të inkurajojnë demokratizimin dhe të ndihmojnë ata që duan ta arrijnë atë, por u takon boshnjakëve, kosovarëve dhe serbëve të marrin përgjegjësi. Pasi ta bëjnë këtë, përparimi drejt anëtarësimit në BE dhe NATO do të jetë i lehtë, jo i vështirë.”

Seanca nënvizoi rëndësinë e trajtimit të Serbisë si burim kryesor të tensioneve në Ballkan dhe nevojën për një qasje më strategjike ndaj stabilitetit rajonal.

dhoma e përfaqësuesve në shba serbia kosova ne hage shqiperia

Sondazh

Poll

MË SHUMË