Sport

Tronditet Egnatia, trajneri i kampionëve të Shqipërisë, Edlir Tetova, shtrohet në spital… probleme me zemrën!

Trajneri durrsak i është nënshtruar një ndërhyrje kirurgjikale, duke vendos një stendë, ndërkohë që mjekët i thanë që duhej të qëndronte disa ditë qetësi.

3 Dhjetor 2025, 12:11 Nga DOSJA

Tronditet Egnatia, trajneri i kampionëve të Shqipërisë,

TIRANE - Klubi i Egnatias është tronditur këto dy ditë, pasi trajneri i kampionëve rrogozhinas, Edlir Tetova, i është nënshtruar një ndërhyrje kirurgjikale në zemër.

Gazetari i Top Channel, Endi Tufa, ka mësuar se ngjarja ka ndodhur dy netë më parë, kur Tetova nuk është ndjerë mirë rrugës për në shtëpi.

Pasi ka ndjerë disa probleme, ai është nisur menjëherë me makinën e tij për në spital dhe pas një kontrolli u zbulua se 90% e arteries së zemrës i ishte bllokuar.

Menjëherë iu nënshtrua një ndërhyrje kirurgjikale ku vendosi stendë, ndërkohë që mjekët i thanë që duhej të qëndronte disa ditë qetësi.

Në ndeshjet e radhës, drejtimin e Egnatias do ta marrë zëvendës-trajneri Juljan Brahja, ndërkohë që klubi do të presë Tetovën deri sa të rikuperohet plotësisht.

B.T (Dosja.al)

Sondazh

Poll

MË SHUMË