Sport

ME E FUNDIT/ Mesazhi tronditës dhe enigma i Aitana Bonmatí, pas operacionit të saj…

"Kishte faktorë që më pengonin të shijoja profesionin tim dhe jetën time të përditshme. Ndjeva se kishte ardhur koha të ndalesha dhe e mendova, por nuk e bëra, dhe jeta papritmas më ndaloi në vend", shkroi ajo në rrjetet sociale.

2 Dhjetor 2025, 20:02 Nga DOSJA
ME E FUNDIT/ Mesazhi tronditës dhe enigma i Aitana Bonmatí, pas
Aitana, në Spitalin e Barcelonës pas operacionit të fibulës

SPANJE - Aitana Bonmatí i habiti të gjithë me postimin e saj të parë në rrjetet sociale, pasi iu nënshtrua me sukses një operacioni për një frakturë të fibulës së majtë në një spital në Barcelonë.

Mesfushorja e Barcelonës dhe e ekipit kombëtar spanjol, e cila do të qëndrojë jashtë fushave për rreth pesë muaj, shprehu besimin se do të kthehet më e fortë dhe do të vazhdojë të shkëlqejë në fushë. Megjithatë, ajo gjithashtu pranoi me guxim se kishte menduar të tërhiqej sepse nuk po ia dilte mbanë mendërisht.

"Dhe kjo është ana tjetër e sportit. Sot duhet të nis një sfidë të re jashtë fushës: të rikuperohem nga fraktura e fibulës që pësova të dielën", fillon Aitana, fituesja tre herë e “Topit të Artë”, duke shpjeguar se "operacioni shkoi mirë dhe tani është koha për t'u rigjeneruar fizikisht dhe mendërisht".

Ishte atëherë që ajo u hap, duke deklaruar se "futbolli elitar të shtyn deri në limit në çdo aspekt, dhe kishte faktorë që aktualisht më pengonin të shijoja profesionin dhe jetën e përditshme. Sinqerisht, ndjeva se ishte koha të frenoja, dhe e mendova, por nuk e bëra, dhe jeta papritmas më ka ndaluar. Me këtë mësim të nxjerrë, përballem me atë që do të vijë, e bindur se do të jetë një përvojë mësimi".

Ajo përfundon: "Dua të falënderoj mjekët, stafin mjekësor dhe Spitalin e Barcelonës, si dhe të gjithë ata që më mbështesin. Do të kthehem."

B.T (Dosja.al)

Sondazh

Poll

MË SHUMË