Aktualitet

Me armë pa leje dhe kanabis me vete, arrestohen dy persona në Shkodër

Në prangat e policisë ra një 34-vjeçar, banues në fshatin Bushat për veprën penale “Mbajtja pa leje dhe prodhimi i armëve, armëve shpërthyese dhe i municionit”.

28 Nëntor 2025, 18:11 Nga E.d
Me armë pa leje dhe kanabis me vete, arrestohen dy persona në
Foto ilustruse

SHKODËR- Policia ka arrestuar sot dy persona në Vaun e Dejës. Në prangat e policisë ra një 34-vjeçar, banues në fshatin Bushat për veprën penale “Mbajtja pa leje dhe prodhimi i armëve, armëve shpërthyese dhe i municionit”.

U arrestua gjithashtu edhe një 29-vjeçar, banues në fshatin Paçram për veprën penale “Prodhimi dhe shitja e narkotikëve”. Polica ka ndaluar automjetin me të cilin qarkullonte 29-vjeçari dhe gjatë kontrollit fizik ka gjetur dhe sekuestruar një sasi lënde të dyshuar narkotike kanabis.

Njoftimi i policisë

Në zbatim të planit të masave për rritjen e parametrave të sigurisë, duke evidentuar dhe goditur veprimtaritë kriminale, bazuar edhe në informacionet e siguruara në rrugë operative, shërbimet e Komisariatit të Policisë Vau i Dejës, në bashkëpunim me shërbimet e Forcës së Posaçme “Shqiponja”, kanë organizuar dhe finalizuar operacionin e koduar “CONTROL". Si rezultat i këtij operacioni, u arrestuan në flagrancë shtetasit:-D. G., 34 vjeç, banues në fshatin Bushat, për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Shërbimet e Policisë, gjatë kontrollit kontrollit fizik ndaj shtetasit D. G., në një lokal, i gjetën atij, një armë zjarri pistoletë me municion luftarak; -J. T., 29 vjeç, banues në fshatin Paçram, për veprën penale “Prodhimi dhe shitja e narkotikëve”. Shërbimet e Policisë kanë ndaluar automjetin me të cilin qarkullonte shtetasi J. T. dhe gjatë kontrollit fizik, i kanë gjetur atij, një sasi lënde të dyshuar narkotike kanabis.  Materialet procedurale i kaluan Prokurorisë, për veprime të mëtejshme./Dosja.al

vaun e dejës 34-vjeçar 29-vjeçar

Sondazh

Poll

MË SHUMË