Sport

Kriza e Liverpoolit, Arne Sloter mund të ndjekë shembullin e Mourinhos dhe Ranierit!

League dhe tani janë të 11-tët në tabelë.

24 Nëntor 2025, 18:30 Nga DOSJA

Kriza e Liverpoolit, Arne Sloter mund të ndjekë shembullin e Mourinhos

ANGLI - Me gjashtë humbje në shtatë ndeshjet e fundit, Liverpooli i Arne Slot ka qenë krejtësisht i panjohur këtë sezon. Sipas shtypit sportiv anglez, performanca e dobët e ekipit në Premier League ka bërë që drejtuesit e klubit të marrin në konsideratë shkarkimin e trajnerit holandez, i cili vetëm gjashtë muaj më parë ngriti titullin e ligës.

Nëse kjo do të realizohet, Arne Slot do t’i bashkohej një grupi të zgjedhur trajnerësh që u shkarkuan atë sezon pasi fituan titullin e Premier League, ndër të cilët është edhe portugezi José Mourinho.

Aktualisht te Benfica, “Special One” ishte kampion në vitin 2015 me Chelsean, por në dhjetor atij iu dha urdhri të largohej. E njëjta gjë ndodhi edhe me italianin Claudio Ranieri. Arkitekti i “mrekullisë” që e çoi Leicester Cityn drejt titullit të parë në ligën angleze në vitin 2017, gjithashtu nuk arriti ta mbante punën e tij sezonin pasardhës.

Megjithatë, ka tre trajnerë të tjerë që nuk kanë pasur shumë sukses pas fitimit të titullit të Premier Ligës. Roberto Mancini kaloi vetëm një vit te Manchester City, pasi e udhëhoqi klubin drejt titullit në vitin 2012. Carlo Ancelotti dhe Antonio Conte gjithashtu u larguan nga Chelsea pa ceremoni, pasi fituan titullin e ligës në vitet 2010 dhe 2017, përkatësisht.

Sipas 'The Sun', Jürgen Klopp, i cili tani mban një pozicion në Red Bull Group si drejtor i Futbollit Global, është favoriti kryesor për të pasuar Arne Slot, trajnerin të cilit ironikisht ia la vendin në Anfield kur vendosi të merrte një pushim nga karriera e tij si trajner.

B.T (Dosja.al)

Sondazh

Poll

MË SHUMË