Bota

Spanja dënon kompaninë Meta për konkurrencë të padrejtë, urdhërohet të paguajë 550 milionë dollarë për mediat 

Kjo për të krijuar profile të personalizuara reklamimi dhe për të fituar fitime të mëdha në kurriz të mediave spanjolle, që respektonin ligjet e privatësisë.

20 Nëntor 2025, 16:21 Nga E.d
Spanja dënon kompaninë Meta për konkurrencë të
Foto ilustruse

SPANJË- Një gjykatë spanjolle ka urdhëruar Meta-n, të paguajë më shumë se 540 milionë euro për mediat lokale. Kjo pasi gjykata e shpalli gjigantin amerikan fajtor për konkurrencë të padrejtë dhe shkelje të rregulloreve të mbrojtjes së të dhënave. Padia kundër gjigantit të teknologjisë përfshinte përdorimin e të dhënave të përdoruesve midis viteve 2018 dhe 2023, pa pëlqimin e tyre. Kjo për të krijuar profile të personalizuara reklamimi dhe për të fituar fitime të mëdha në kurriz të mediave spanjolle, që respektonin ligjet e privatësisë.

Mediat e huaja shkruajnë se padia u ngrit nga disa media, përfshirë anëtarë të Shoqatës së Medias (AMI), të cilat e përshëndetën vendimin si një fitore vendimtare për gazetarinë, konkurrencën dhe demokracinë. Gjykata Tregtare e Madridit urdhëroi Metën të paguajë 479 milionë euro për 87 botues spanjollë të mediave dixhitale dhe agjenci lajmesh që janë anëtare të AMI-t për marrjen e një avantazhi të konsiderueshëm konkurrues përmes reklamave në platformat e mediave sociale Facebook dhe Instagram në shkelje të Rregullores së Përgjithshme për Mbrojtjen e të Dhënave. 

Vendimi përfshin gjithashtu më shumë se 60 milionë euro në interesa statutore të papaguara, si dhe kompensim për agjencinë Europa Press e cila nuk është anëtare e AMI-t. Meta nga ana e saj, njoftoi se do të apelonte vendimin, të cilin e konsideroi të pabazuar dhe i cili injoron qëllimisht mënyrën se si funksionon industria e reklamave online./Dosja.al

meta spanja 550 milionë dollarë

Sondazh

Poll

MË SHUMË