Sport

Shqipëria përballë Polonisë, Sylvinho: "Në 90 minuta mund të ndodhë gjithçka"...

“Ata na njohin mirë, ashtu sikurse edhe ne ata. Kemi zhvilluar shumë ndeshje kundër tyre në këto 4-5 vite bashkë. Do të jetë një ndeshje e bukur.”

20 Nëntor 2025, 14:48 Nga DOSJA

Shqipëria përballë Polonisë, Sylvinho: "Në 90

ZVICER - Trajneri i Shqipërisë, braziliani Sylvinho, foli për Tv Klan, pas shortit të play-off-it, që vendosi kuqezinjtë përballë Polonisë. Ai u shfaq i kënaqur, ndërsa u shpreh se ekipi ka bërë një rrugëtim të rëndësishëm deri këtu.

Gjithashtu Sylvinho i shpreh se dy kombëtaret njihen mirë, për shkak se janë përballur shpesh vitet e fundit.

“Sigurisht jemi të gjithë shumë të kënaqur, e kemi merituar, të gjithë kemi mbërritur deri këtu. Kemi bërë një rrugëtim shumë të bukur. Tani luhet futboll, të gjithë duhet të luajnë.

Në 90 minuta mund të ndodhë gjithçka. Përgatitet mirë sfida, ata na njohin mirë, ashtu sikurse edhe ne ata. Kemi zhvilluar shumë ndeshje kundër tyre në këto 4-5 vite bashkë. Do të jetë një ndeshje e bukur.”

Ai ka debutuar me Poloninë, a do ta heqim atë pengun e 1-0?

“Ajo është kohë tjetër, po flasim për 2023-shin, futbolli ecën me hapa të shpejta, ata kanë ndryshuar gjëra, futbollistë, trajnerë, ndryshon gjithçka. Nga ana tjetër edhe skuadra jonë ka ndryshuar shumë. Jo-jo, shkojmë, të përgatitur mirë për garën… Është e vërtetë, në atë rast fatkeqësisht pësuam një humbje“, theksoi Sylvinho.

 

B.T (Dosja.al)

Sondazh

Poll

MË SHUMË