Bota

Vrasja e 25 personave në Ukrainë mes të cilëve dhe fëmijë, të enjten mblidhet Këshilli i Sigurimit dhe OSBE

Kryediplomati ukrainas bëri të ditur më tej se në takimin që do të zhvillohet nesër, Ukraina pret që ajo të jetë e “qartë dhe me zë të lartë” ku do të dënojë valën e re të terrorit rus si një shkelje tjetër e rëndë e të gjitha parimeve të Aktit Përfundimtar të Helsinkit.

19 Nëntor 2025, 22:12 Nga M.L
Vrasja e 25 personave në Ukrainë mes të cilëve dhe
Foto ilustruese

RUSI- Këshilli i Sigurimit dhe Këshilli i Përhershëm i OSBE-së do të mbahet të enjten, ku Ukraina do të tregojë vrasjen e tmerrshme të Rusisë, ku mes 25 personave tre prej tyre ishin fëmijë.

“Nesër, në mbledhjen e Këshillit të Sigurimit të KB, Ukraina do të nxjerrë në pah vrasjen e tmerrshme të Rusisë për të paktën 25 persona, përfshirë tre fëmijë, në Ternopil. Ne bëjmë thirrje për dënim, drejtësi dhe një përgjigje vendimtare. Ne kemi kontaktuar tashmë me të gjithë partnerët tanë dhe organizatat ndërkombëtare, duke i informuar ata për pasojat e sulmit”, shkroi Sybiha në mediat sociale.

Ai vuri në dukje se Ukraina po bën thirrje për asete shtesë të mbrojtjes ajrore dhe pajisje të tjera për të mbrojtur njerëzit e saj mes sulmeve brutale të Rusisë.

“Gjithashtu kam udhëzuar të gjitha ambasadat tona të ulin flamujt e tyre në gjysmë-shtizë dhe të hapin librat e tyre të zisë”, theksoi ministri.

Kryediplomati ukrainas bëri të ditur më tej se në takimin që do të zhvillohet nesër, Ukraina pret që ajo të jetë e “qartë dhe me zë të lartë” ku do të dënojë valën e re të terrorit rus si një shkelje tjetër e rëndë e të gjitha parimeve të Aktit Përfundimtar të Helsinkit./ Dosja.al

 

 

 

 

këshilli i sigurimit dhe këshilli i përhershëm i osbe lufta ukraine-rusi

Sondazh

Poll

MË SHUMË