Bota

I shikonin si kërcënim, ushtarët izraelitë vrasin dy palestinezë në Rripin e Gazës

Ushtria izraelite tha se incidenti i parë ndodhi në pjesën veriore të enklavës, kur disa palestinezë kaluan "Vijën e Verdhë", pas së cilës forcat izraelite janë tërhequr sipas armëpushimit të rënë dakord.

17 Nëntor 2025, 20:25 Nga E.d
I shikonin si kërcënim, ushtarët izraelitë vrasin dy
Foto ilustruese

IZRAEL- Dy palestinezë janë vranë nga ushtarët izraelitë në Rripin e Gazës të dielën. Ushtria izraelite tha se incidenti i parë ndodhi në pjesën veriore të enklavës, kur disa palestinezë kaluan "Vijën e Verdhë", pas së cilës forcat izraelite janë tërhequr sipas armëpushimit të rënë dakord. Forcat izraelite nisën një sulm ndaj terroristëve, duke vrarë dy prej tyre.

Mediat e huaja shkruajnë se në periferi të qytetit të Gazës, ushtarët izraelitë qëlluan dhe vranë dy terrorist për të eliminuar kërcënimin, që ai paraqiste për ta. Pavarësisht armëpushimit të rënë dakord, IDF e ka bërë të qartë se forcat e saj do të marrin masa drastike për të eliminuar çdo kërcënim për sigurinë e tyre. Sipas autoriteteve shëndetësore palestineze, rreth 270 persona kanë vdekur si pasojë e sulmeve izraelite që nga hyrja në fuqi e armëpushimit më 10 tetor.

Lufta në Rripin e Gazës shpërtheu pas sulmit të paprecedentë të nisur nga Hamasi më 7 tetor 2023, në Izraelin jugor, në të cilin u vranë 1,218 persona dhe u rrëmbyen 251, sipas autoriteteve izraelite. Që atëherë, gati 70,000 persona janë vrarë në operacionet ushtarake izraelite në enklavën palestineze, sipas Ministrisë së Shëndetësisë së Gazës të kontrolluar nga Hamasi./Dosja.al

gaza palestina vrasje

Sondazh

Poll

MË SHUMË