Aktualitet

U qëlluar me 10 plumba në atentatin e Rinasit/ Ndërron jetë pas disa ditësh në spital Muçi Shaljani! Agjent i AMP-së dhe mik i Gilmando Danit

Pas atentatit, efektivi i AMP-së u transportua tek Trauma në gjendje të rëndë për jetën, pasi ishte qëlluar me 10 plumba, dy prej të cilave në kokë. Por, Muçi Shaljani alias Sheqeri nuk ka mundur të mbijetojë duke humbur jetën gjatë natës.

15 Nëntor 2025, 08:22 Nga E. D
U qëlluar me 10 plumba në atentatin e Rinasit/ Ndërron jetë
Muçi Shaljani

TIRANË- Muçi Shaljani, i cili mbeti i plagosur gjatë atentatit mesditën e 11 nëntorit pranë Aeroportit të Rinasit, ka ndërruar jetë. Agjendti i AMP,  ndodhej në spitalin e Traumës në gjendje të rëndë shëndetësore prej pesë ditësh. Nga breshëria e plumbave i vdekur në vend mbeti Gilmando Dani, krahu i djathtë i Emiljano Shullazit, i cili sapo ishte kthyer nga Spanja. 

Pas atentatit, efektivi i AMP-së u transportua tek Trauma në gjendje të rëndë për jetën, pasi ishte qëlluar me 10 plumba, dy prej të cilave në kokë. Por, Muçi Shaljani alias Sheqeri nuk ka mundur të mbijetojë duke humbur jetën gjatë natës.

Njoftimi i Policisë: 

Tiranë/Informacion shtesë. Në vijim të informacionit të dhënë më datë 11.11.2025, mbi ngjarjen e ndodhur tek rrethrrotullimi i Rinasit, ju informojmë se shtetasi M. Sh. (Sh.), i cili mbeti i plagosur, ka humbur jetën gjatë natës.

Si ndodhi ngjarja?

Atentati mafioz ndodhi mesditën e 11 nëntorit pranë aeroportit të Rinasit, ku nga breshëria e plumbave u ekzekutua Gilmando Dani, krahu i djathtë i Emiljano Shullazit dhe i plagosur mbeti Muçi Shaljani (Sheqeri). Dani dhe Shaljani po lëviznin me një Benz të bardhë luksoz, kur autorët me një tjetër makinë i zunë pritë dhe i qëlluan me breshëri plumbash.

Në makinën në pronësi të Elvis Kosovës shofer ishte Muçi Shaljani (punonjës i AMP) dhe Dani ishte pasagjer.  Gilmando Dani kishte ardhur në Shqipëri nga Barcelona, por u ekzekutua vetëm disa minuta pasi kishte hipur në makinë. Pas atentatit, autorët dyshohet se janë larguar në drejtim të Fushë Krujës dhe kanë qenë me një mjet Toyota Yaris me targa greke. Vetëm pak minuta pas ngjarjes, makina e përdorur për vrasjen u gjet e djegur në fshatin Halil./Dosja.al

muçi shaljani gilmando dani

Sondazh

Poll

Aktualitet 14 Nëntor 2025, 22:02 E. D

Monolog nga dom Mark Pashkja

foto ilustruese Mirëmbrëma. Këtë javë mbushen 35 vjet nga ai mëngjes vjeshte kur në Shkodër u kremtua mesha e par&e...

MË SHUMË