Aktualitet

Atentati në Rinas, Policia kërkesë në Spanjë për lëvizjet e Gilmando Danit e Muçi Shaljanit

Mësohet se policia e Tiranës ka kërkuar çdo lëvizje dhe çdo takim që Dani dhe Shaljani mund të kenë bërë në Barcelonë. 

13 Nëntor 2025, 11:00 Nga I.A
Atentati në Rinas, Policia kërkesë në Spanjë për
Gilmando Dani

TIRANË- Autoritetet shqiptare i kanë dërguar kërkesë institucioneve homologe në Spanjë në lidhje me lëvizjet e Gilmando Danit e Muçi Shaljanit. Mësohet se policia e Tiranës ka kërkuar çdo lëvizje dhe çdo takim që Dani dhe Shaljani mund të kenë bërë në Barcelonë. Por deri më tani autoritetet nuk i kanë kthyer përgjigje policisë shqiptare.

Si ndodhi ngjarja?

Atentati mafioz ndodhi mesditën e 11 nëntorit pranë aeroportit të Rinasit, ku nga breshëria e plumbave u ekzekutua Gilmando Dani, krahu i djathtë i Emiljano Shullazit dhe i plagosur mbeti Muçi Shaljani (Sheqeri). Dani dhe Shaljani po lëviznin me një Benz të bardhë luksoz, kur autorët me një tjetër makinë i zunë pritë dhe i qëlluan me breshëri plumbash.

Në makinën në pronësi të Elvis Kosovës shofer ishte Muçi Shaljani (punonjës i AMP) dhe Dani ishte pasagjer.  Gilmando Dani kishte ardhur në Shqipëri nga Barcelona, por u ekzekutua vetëm disa minuta pasi kishte hipur në makinë. Pas atentatit, autorët dyshohet se janë larguar në drejtim të Fushë Krujës dhe kanë qenë me një mjet Toyota Yaris me targa greke. Vetëm pak minuta pas ngjarjes, makina e përdorur për vrasjen u gjet e djegur në fshatin Halil./Dosja.al

gilmando dani muçi shaljani

Sondazh

Poll

MË SHUMË