Sport

Xhaka nuk i kursen 'këshillat' për një lojtar të skuadrës: "Mbylle gojën dhe puno!"

Mesfushori i Sunderlandit i kërkoi sulmuesit Noah Okafor të ndalonte së ankuari dhe të fillonte të punonte për t’i ndryshuar gjërat.

13 Nëntor 2025, 10:00 Nga DOSJA

Xhaka nuk i kursen 'këshillat' për një lojtar të

ANGLI - Noah Okafor, një futbollist i Leeds United dhe Zvicrës, nuk është thirrur në ekipin e kombëtar për gati një vit dhe për këtë shprehu publikisht zhgënjimin e tij në një intervistë me New York Times, duke pretenduar se po injorohej plotësisht.

"Nuk kam folur me trajnerin që atëherë, as një telefonatë apo një mesazh. Nuk ka kuptim për mua dhe më trishton që ata nuk interesohen për mënyrën se si jam unë", tha ai.

Granit Xhaka, futbollist i Sunderlandit dhe shok skuadre i Okaforit në ekipin kombëtar, foli me lojtarin para intervistës. "Pata një bisedë me Noah dhe diskutuam për ekipin kombëtar.

Për mua, është e vështirë të flas për këtë situatë pa i ditur të gjitha detajet", vuri në dukje ish-lojtari i Arsenalit. "Ai ka shumë potencial, por nuk e ka treguar shumë vitet e fundit, dhe tani ka lojtarë që po spikasin më shumë se ai." 

Kapiteni i “Maceve të Zeza” e këshilloi bashkëlojtarin e tij: “Noah mund të ketë një rol të rëndësishëm në ekipin kombëtar nëse ndryshon disa gjëra. Mbylle gojën dhe puno. Kjo vlen për të gjithë, përfshirë edhe mua. Në fund të fundit, ajo që ka rëndësi është performanca në fushë”, përfundoi Xhaka. 

Këtë sezon, Noah Okafor ka luajtur gjithsej 10 ndeshje në të gjitha garat, duke shënuar vetëm 2 gola. Fillimi i tij i sezonit, ashtu si ai i ekipit të tij, nuk ka qenë më i miri. Ai do të duhet të përmirësohet nga tani deri në fund të vitit nëse dëshiron të jetë një nga lojtarët e thirrur nga Zvicra për ndeshjet e ardhshme ndërkombëtare. 

B.T (Dosja.al)

Sondazh

Poll

MË SHUMË